بالاعا «تاياق جەيسىڭنىڭ» زاردابى

استانا. قازاقپارات - بالانىڭ قاتەلىگىن كورگەن بويدا، تۇسىنىستىكپەن قاراپ، نەگە ونداي قادامعا بارعانىن سۇراۋدىڭ ورنىنا ۇلكەندەردىڭ بىردەن ۇرىسا جونەلەتىنى بار.

بۇل ارەكەتى كەيىن بالانىڭ ساناسىن قانشالىقتى وزگەرتەتىنى ويلاندىرمايدى. ويتكەنى «تاياق جەيسىڭ» دەگەن ءبىر اۋىز ءسوز -  بالانى تاربيەلەۋدەگى باستى قارۋ. ءبىراق....

داۋىس كوتەرەتىن ۇلكەندەر بالانى قورقىتادى

ءاربىر اتا-انا بالاسىمەن دوس بولعىسى كەلەتىنى ءسوزسىز. ءبىراق قورىنىش سەزىمىن وياتاتىن اداممەن دوستاسار ما ەدىڭىز؟ نەنى وزگەرتۋىڭىز كەرەك؟

-  بالاڭىز ءوز ويىن ايتۋعا قۇقىلى. ال ءسىز ەرەسەك ادام رەتىندە بالانىڭ ويىن تىڭداۋعا مىندەتتىسىز.

-  شابۋىلشى ەمەس، كەڭەسشى بولىڭىز.

ايقاي سەنىمگە سىزات تۇسىرەدى

عالىمدارداردىڭ زەرتتەۋىنشە ەرەسەك داۋىس كوتەرىپ سويلەگەن سايىن بالا ويىن ايتۋدان جاسقاناتىن بولادى. كەيىن سىرلارىن دا اشىپ ايتپايدى. ويتكەنى ءوزىنىڭ ءىس-ارەكەتىنىڭ دۇرىستىعىنا سەنبەيدى جانە ءسىزدىڭ ءۇن-ءتۇنسىز تىڭدايتىنىڭىزعا دا كۇمان كەلتىرەدى.

نەنى وزگەرتۋىڭىز كەرەك؟

-  بالالىقپەن جاساعان قاتەلىگىنىڭ بۇرىستىعىن ازىلمەن جەتكىزىڭىز.

-  ونىڭ قىزىعۋشىلىعىنا نازار اۋدارىڭىز.

بالالار ارتىق سالماقتان زارداپ شەگەدى

جاسقانشاق بالا كۇيزەلىسكە ۇشىرايدى. ناتيجەسىندە ارتىق سالماق قوسىپ الىپ، تولىقتىقپەن كۇرەسۋگە تۋرا كەلەدى. نەنى وزگەرتۋىڭىز كەرەك؟

-  ءوز كوڭىل- كۇيىڭىز بەن ءىس-ارەكەتىڭىزدى باقىلاۋدا ۇستاڭىز.

-  بالانى ماقتاۋدى، ونى جاقسى كورەتىنىڭىزدى ايتۋدى ۇمىتپاڭىز.

بالاڭىز اشۋشاڭ بولادى

ءسىز داۋىس كوتەرگەن سايىن ول دا ءدال سولاي جاۋاپ قاتا باستايدى. بالاڭىزدىڭ بويىنا جينالعان رەنىش سەزىمى بولاشاقتا ونىڭ اشۋشاڭ ەرەسەككە اينالۋىنىڭ باستى سەبەپشىسى بولادى. نەنى وزگەرتۋىڭىز كەرەك؟

-  ءسىز بالاڭىز ءۇشىن ەڭ باستى ۇلگى بولاتىنىڭىزدى ەستەن شىعارماڭىز.

-  قاتال بولىڭىز، ءبىراق، ورىنسىز ايقاي مەن ادىلەتسىزدىكە جول بەرمەڭىز.

بالاڭىز بولاشاقتا «باس ساقيناسىمەن» اۋىراتىن بولادى

بويىنا جينالعان قورقىنىش پەن ءوز-وزىنە دەگەن سەنىمسىزدىك ناتيجەسى باس اۋرۋى ارقىلى سىرتقا شىعاتىنىن ەستە شىعارماڭىز. نەنى وزگەرتۋىڭىز كەرەك؟

-  ءوزىڭىزدىڭ كوڭىلىڭىزدىڭ تولمايتىنىن سابىرلى كۇيدە جەتكىزىڭىز.

-  بالاڭىزدى تىڭداپ ۇيرەنىڭىز. ونىڭ جان - دۇنيەسىنىڭ اۋەنىن ەستي ءبىلىڭىز. ورىنسىز قىلىقتار جاساعان ساتتە داۋىس كوتەرۋىڭىز دۇرىس.

ءبىراق ءبىر ۋاقىت ءوزىڭىزدىڭ كىشكەنتاي كوشىرمەڭىزبەن سىرلاسىپ، ونى جاقسى كورەتىنىڭىزدى ايتۋدى ۇمىتپاڭىز.

Massaget.kz