گولوۆكين الۆارەسپەن جەكپە-جەككە ارنالعان جابدىعىن الدى

استانا. قازاقپارات - قازاقستاندىق بوكسشى گەننادي گولوۆكين (37-0, 33 ك و) دەمەۋشىلەرىنىڭ ءبىرى - اتى اڭىزعا اينالعان باسكەتبولشى مايكل دجوردان مەن Nike كومپانياسىنىڭ بىرلەسكەن ساۋدا ماركاسى Jordan-دا بولدى، دەپ جازادى Sports.kz.

«گەننادي پورتلەندەگى Nike كامپۋسىندا Jordan-عا كەلىپ، 16- قىركۇيەك كۇنگى «كانەلومەن» جەكپە-جەككە كەرەكتى سپورتتىق كيىم-كەشەكتەرى مەن جابدىقتارىن الدى»، - دەپ جازدى گولوۆكيننىڭ ۇيىمداستىرۋشىسى توم لەففلەر ءوزىنىڭ تۋيتتەردەگى پاراقشاسىندا.

ايتا كەتەيىك، گولوۆكين اتالمىش كومپانيامەن وتكەن جىلدىڭ ءساۋىر ايىندا كەلىسىمشارت جاساستى.

سودان بەرى WBA (Super) ، WBC، IBF جانە IBO تۇجىرىمى بويىنشا ورتاشا سالماقتى الەم چەمپيونى ءتۇرلى جارىستارعا وسى برەندتىڭ كيىمدەرىمەن شىعادى، ال كومپانيا ءوز كەزەگىندە بوكسشىعا ارناپ ايرىقشا كيىم مەن اياق كيىم شىعارادى.

گولوۆكين مەن الۆارەستىڭ ايقاسى 16- قىركۇيەك كۇنى وتەدى. 1XBET بۋكمەكەرلىك كەڭسەسى بۇل جەكپە-جەكتە جەڭىسكە ۇمىتكەر - قازاقستاندىق بوكسشى دەپ سانايدى.