استانادا قىتاي كينوسى فەستيۆالى وتەدى
فەستيۆالدىڭ اشىلۋ سالتاناتى نازاربايەۆ ۋنيۆەرسيتەتىندە بولادى. قازاقستاندىق كورەرمەن نازارىنا 6 كينو جاۋھارلارى ۇسىنىلادى، ولاردىڭ ۇشەۋى - قىتايداعى ەڭ تاڭداۋلى كينوتۋىندىلار، اتاپ ايتساق دجەكي چاننىڭ قاتىسۋىمەن تۇسىرىلگەن ءۇندى جانە قىتايدىڭ بىرلەسكەن كينوسى «كۋنگ-فۋ يوگا» (قىتايدا 18 ميلليون يۋان - 2,63 ميلليون دوللار جينادى)، قىتاي-فرانسۋز فيلمى «قاسقىر توتەمى» (7 ميلليون يۋان، ادامنىڭ جانۋارلارمەن بايلانىسىن كورسەتەدى، وقيعا ق ح ر ىشكى موڭعوليا اۆتونومدىق اۋدانىندا بولعان)، «قاتەرلى ىسىك مىرزا، كەتىڭىز» (5,1 ميلليون يۋان، وسكار-2015 كينو سىيلىعىندا قىتايدى تانىتقان فيلم). قالعان ءۇش كارتينانىڭ تانىمالدىعى جوعارى ەمەس، الايدا ونىڭ دا ءوز قازاقستاندىق كورەرمەندەرگە ايتارى بار.
ماسەلەن، ومىردە بولعان وقيعالار جەلىسىمەن تۇسىرىلگەن «شىنايى ماحاببات» فيلمىندە التى ءتۇرلى ۇلتتىڭ 19 بالاسىن اسىراپ العان ۇيعىر ايەلىنىڭ ءومىرى باياندالادى.
ال «ىلە وزەنى» ارا شارۋاشىلىعىمەن اينالىساتىن وتباسىنىڭ ءومىرى جايلى ايتىلسا، «گۇل» كارتيناسىندا قىتايداعى قازاق ءارتىس قىزىنىڭ تاعدىرى كورسەتىلەدى.
قازاقستان رەسپۋبليكاسىنىڭ ق ح ر- داعى ەلشىلىگىنىڭ كەڭەسشىسى ءابۋ-ءتالىپ ايماحانوۆتىڭ مالىمدەۋىنشە، بولاشاقتا قىتاي جانە قازاقستان بىرلەسىپ كينو ءتۇسىرۋ ءىسىن قولعا الماقشى.
