ەلىمىزدەگى ەڭ سىمباتتى اكتەر بويداقتىق ومىرىمەن قوش ايتىسپاق

استانا. قازاقپارات - ەلىمىزدەگى ەڭ سىمباتتى بويداقتاردىڭ ءبىرى اسىلحان تولەپوۆ جاقىن ارادا وتباسىن قۇرادى. بۇل تۋرالى اكتەردىڭ اعاسى ارتۋر تولەپوۆ «ايەل باقىتى» باعدارلاماسىندا ايتتى.

وتكەن اپتادا جەلىدە ارتۋردىڭ سۇيىكتىسىنە ۇسىنىس جاساعانى تۋرالى اقپارات تارادى. جەلىدە ارتۋردىڭ سالتانات ەسىمدى بويجەتكەنگە جۇزىك تاققان ساتتەرى تاراپ كەتتى. ودان كەيىن ارتۋر بۇل كادرلاردىڭ تۇسىرىلىمنەن الىنعانىن ايتىپ، ۇيلەنبەيتىنىن مالىمدەدى. ەسەسىنە ول ءوزىنىڭ تۋعان ءىنىسى اسىلحاننىڭ شاڭىراق كوتەرەتىنىن ايتىپ قالدى.

«ۇيلەنبەۋىمنىڭ ءبىر عانا سەبەبى - سۇيىكتىمدى كەزدەستىرمەدىم. تاجىريبەم كوپ ەمەس. اسىلحان ۇيلەنسە ەشتەڭە ەتپەيدى. جولىمدى بەرەمىن، ارامىز ءبىر- اق جاس. ءوزىم 1-2 -جىلدىڭ ىشىندە ۇيلەنەتىن شىعارمىن. بۇيىرعان كۇنى...

بويداقتىق ومىردەن كىشكەنە شارشادىم. قۇر جۇرىستەن، بوس جۇرىستەن، كينوعا جالعىز بارۋدان شارشادىم» ، - دەيدى ارتۋر.

اكتەر ءبىرىنشى كەزەكتە بولاشاق جارىنىڭ تاربيەسىنە باسا ءمان بەرەتىنىن ايتتى.

«اتا- اناسى اجىراسىپ كەتسە، ول تاعدىر. دەگەنمەن اۋىرلاۋ سۇراق ەكەن. ءوزىم اكەنىڭ، انانىڭ تاربيەسىن كورگەن قىز ىزدەۋدەمىن. ءبىراق پەشەنەمىزگە اللا تاعالانىڭ نە جازعانىن بىلمەيمىز. سوندىقتان «بىلاي بولسىن» دەپ ايتپاي- اق قويايىن. تاعدىردىڭ دەگەنى بولادى. باستىسى - تاربيە» ، - دەپ اعىنان جارىلدى اكتەر.

بۇدان بولەك، ارتۋر ءسۇيىپ قالعان قىزىنىڭ جاسىنا، ۇلتىنا قارامايتىنىن ايتتى. شىن جاقسى كورسە، ءتىپتى، اجىراسقان ءارى بالالى بولسا دا ماڭىزدى ەمەس ەكەنىن تىلگە تيەك ەتتى.