جازۋشىلاردىڭ قالاماقىسى ەكى ەسە وسەدى - سەناتور ەرعاليەۆ

استانا. قازاقپارات - سەناتور جابال ەرعاليەۆتىڭ ايتۋىنشا، وسى ايدىڭ باسىندا قابىلدانعان جاڭا زاڭنىڭ اياسىندا جازۋشىلاردىڭ قالاماقىسى كوتەرىلەدى، دەپ حابارلايدى قازاقپارات ءتىلشىسى.

«ادەبيەت سالاسىندا جازۋشىلارعا جاسالىپ وتىرعان ۇلكەن ءبىر قامقورلىق، بۇرىن مەملەكەتتىك تاپسىرىس بويىنشا كىتاپتىڭ تارىلىمى ەكى مىڭ دانا عانا بولاتىن. ەندى، كىتاپتىڭ تيراجى بەس مىڭعا جەتەتىن بولدى. ءسوز جوق، وسىنىڭ ناتيجەسىندە جازۋشىلارعا تولەنەتىن قالاماقى دا وسەدى. بۇل ماسەلەدە قازاقستان جازۋشىلارى وداعىنىڭ باسشىسى نۇرلان ءورازاليننىڭ ۇلكەن ەڭبەگىن ەرەكشە اتاپ ءوتۋ كەرەك. سەناتور بولعان از عانا ۋاقىتتىڭ ىشىندە ول كەلگەن كۇننەن باستاپ ماجىلىستە بولسىن، ۇكىمەت ساعاتىندا بولسىن، جازۋشىلاردىڭ جاعدايىن، ولاردىڭ قالاماقى ماسەلەسىن ايتۋمەن بولدى. وسىنىڭ ناتيجەسىندە ءتيىستى زاڭ قابىلداندى. ءبىز سوعان شىن جۇرەكتەن قۋانامىز»، - دەدى ەرعاليەۆ بۇگىن استانادا وتكەن باسپا ءسوز ءماسليحاتىندا.

 ايتا كەتەيىك، اعىمداعى جىلى 5 - مامىردا پرەزيدەنت نۇرسۇلتان نازاربايەۆ «ق ر كەيبىر زاڭنامالىق اكتىلەرىنە مادەنيەت ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭعا قول قويدى. اتالعان قۇجاتتا تەاتر ونەرى، مۋزەي، باسپا ءىسى، كينو جانە تاعى باسقا مادەنيەت سالاسىنىڭ وزەكتى ماسەلەلەرى قامتىلعان.

اۆتور: ارمان اسقاروۆ