بىرىككەن اراب امىرلىكتەرىندە قازاقستاندىقتار ءۇشىن ۆيزاسىز رەجيم قاشان ەنگىزىلەتىنى بەلگىلى بولدى
استانا. قازاقپارات - ق ر سىرتقى ىستەر مينيسترلىگى بىرىككەن اراب امىرلىكتەرىندە قازاقستاندىقتار ءۇشىن ۆيزاسىز رەجيم قاي مەرزىمدە ەنگىزىلەتىنىن ايتتى، دەپ حابارلايدى قازاقپارات.
«قول قويىلعان قۇجاتتى ىسكە اسىرۋ بويىنشا مەملەكەتتىك ىشكى پروتسەدۋرالار ءبىر- ەكى ايدا اياقتالادى دەپ ۇمىتتەنەمىز. قۇجات كۇشىنە ەنگەننەن سوڭ، ءبىزدىڭ ازاماتتار قازاقستاندىق تۋريستەر اراسىندا تانىمال ەلگە ساپار جاساۋ بارىسىندا جىلىنا 10 ميلليون ا ق ش دوللارىنا دەيىن ۇنەمدەيتىن بولادى»، - دەپ جازدى ق ر س ءى م باسپا ءسوز قىزمەتىنىڭ باسشىسى انۋار جايناقوۆ ءوزىنىڭ فەيسبۋكتەگى پاراقشاسىندا.
ونىڭ مالىمەتتەرى بويىنشا، قازىر قازاقستاندىقتار ب ا ءا- گە ۆيزا الۋ ءۇشىن شامامەن 100 ا ق ش دوللارىن شىعىندايدى.
«كوپشىلىك ءۇشىن قىزىق بولاتىن تاعى ءبىر مالىمەتتەردى جەتكىزەيىن، قازاقستاندىق ديپلوماتتار وسىنداي كەلىسسوزدەردى تايلاندپەن، يزرايلمەن، ق ح ر ارنايى اكىمشىلىك ايماعى ماكاومەن، سونىمەن قاتار دومينيكان رەسپۋبليكاسى، كوستا- ريكا جانە فيدجي سىندى ەكزوتيكالىق مەملەكەتتەرمەن دە جۇرگىزىپ جاتىر»، - دەدى جايناقوۆ.
بۇنىڭ الدىندا قازاقستاندىق ازاماتتارعا بىرىككەن اراب امىرلىكتەرىنە ۆيزاسىز بارۋعا جول اشىلعانىن حابارلاعان بولاتىنبىز.
اۆتور: جاسۇلان جولدىبايەۆ
