گرەكيانىڭ ءبىرىنشى حانىمى قازاقتىڭ ۇلتتىق تاعامدارىنا جوعارى باعا بەردى
بۇل تۋرالى ق ر سىرتقى ىستەر مينيسترلىگىنىڭ باسپا ءسوز قىزمەتى حابارلادى. اتالعان شاراعا 33 مەملەكەت قاتىستى. ۇلتتىق نىشاندارمەن اسپەتتەلگەن قازاق داستارحانى فەستيۆال قوناقتارى مەن كەلۋشىلەردىڭ زور قىزىعۋشىلىعىن تۋدىردى.
داستارحان باسىنا قولدان جاسالعان باۋىرساق، ىرىمشىك، سامسا، چاك- چاك جانە باسقا دا وتاندىق ءتاتتى ونىمدەر قويىلدى. قازاقستاندىق ستەندكە بەت بۇرعان كوپ قوناقتار قاتارىندا گرەك رەسپۋبليكاسىنىڭ ءبىرىنشى حانىمى ۆلاسسيا پاۆلوپۋلوس- پەلتسەمي دە بولدى. ول قازاق ۇلتتىق تاعامدارىنا جوعارى باعا بەردى. سونىمەن قاتار حالىقارالىق فەستيۆال اياسىندا الەم حالىقتارىنىڭ ونەرىن كورسەتەتىن شارا ۇيىمداستىرىلدى. قازاقستان اتىنان ەلشىلىك ديپلوماتى ابزال يمانقۇلوۆ قازاقتىڭ ۇلتتىق دومبىراسىمەن ونەر كورسەتتى. شارادان تۇسكەن قاراجات قايىرىمدىلىق قورعا جۇمسالدى.
