قازاق قىزى بوكستان قىتايدىڭ ەڭ ءىرى جارىسىنا جولدامانى جەڭىپ الدى

استانا. قازاقپارات - قىتايداعى قازاقتار كوپ قونىستانعان ىلە ايماعى قۇلجا قالاسىنان شىققان تۇنىق بۇركىتباي قىزى قىتايدىڭ بوكستان ەڭ ءىرى مەملەكەتتىك جارىسىنا جولدامانى جەڭىپ الدى دەپ حابارلايدى قازاقپارات ءتىلشىسى kazakh.people.com سايتىنا سىلتەمە جاساپ.    

قازاق قىزى بۇل ءىرى جەتىستىگىنە 18 -مامىردا قىتايدىڭ تيانجين قالاسىندا وتكەن 13-بۇكىل مەملەكەتتىك جارىسقا ىرىكتەۋ تۋرنيرىندە قول جەتكىزدى. ەندى ول 2017 -جىلعى مەملەكەتتىك (18 جاستان 22 جاسقا دەيىنگى) جارىستا شىنجاڭ قىزدارى اتىنان ونەر كورسەتپەك.

ايتا كەتەيىك، تۇنىق بۇركىتباي قىزى شىنجاڭ ايەلدەرى اراسىنان قىتايدىڭ اتالمىش ءىرى جارىسىنا قاتىسقالى وتىرعان تۇڭعىش بوكسشى قىز. تۇنىق بۇركىتباي قىزى 2016 -جىلى قىزدار اراسىنداعى ەل بىرىنشىلىگىندە 60 كەلى سالماقتا باس جۇلدەمەن قاتار، ەڭ ۇزدىك جاس تالانت سىيلىعىنا يە بولدى.

اۆتور: كۇنسۇلتان وتارباي