جاپونيا عالىمدارى «حان قىزى» قوڭىزىنىڭ قۇپياسىن اشتى

 استانا. قازاقپارات - بالا كۇنىڭىزدە قولىڭىزا قونعان، قىزىل- سارى ءتۇستى «حان قىزى» قوڭىزىن « ءۇيىڭ ورتەنىپ كەتتى» نەمەسە باسقا دا باقىت تىلەپ ۇشىرىپ جىبەرەتىن بە ەدىڭىز؟

ءدال سول تابيعي جاراتىلىس، جاپونيا عالىمدارىنىڭ باسىن ءبىراز قاتىرسا كەرەك. اقىرى ونىڭ ۇشۋ مەحانيزمىن تاپتى. قۇپيا بولىپ كەلگەن جۇمباقتىڭ جاۋابى شەشىلدى. ول قانداي قۇپيا؟

جەر بەتىندە حان قىزى قوڭىزىنىڭ 4000 نان استام ءتۇرى بار. ولاردى ءار ەلدە ءارتۇرلى اتايدى. ءبىراق ولاردىڭ باسىن بىرىكتىرەتىن جەر ءتورت تۇلىكتىڭ قاسى. ال عالىمداردى الاڭداتىپ كەلگەن قۇپيا مىناۋ: حان قىزى قوڭىزى الىپ قاناتتارىن قالاي ءتۇستى قابىرشاقتارىنىڭ اراسىنا جاسىرا الادى؟ تەگىندە اتالعان قوڭىزدىڭ قانات جۇيەسىنە بايلانىستى زەرتتەۋلەر ءوز جاۋابىن بەرگەن. تەك عىلىمعا وسى ىشكى الىپ قارا ءتۇستى قاناتتىڭ، ءتۇستى قابىرشىق استىنا قالاي جينالىپ، قالاي ۇلكەن بولىپ اشىلاتىنى جۇمباق بولىپ كەلگەن. سەبەبى ونىڭ جاۋابىن تابۋ، تەك جاندىك ءۇشىن ەمەس عىلىم ءۇشىن دە پايدالى بولۋى مۇكىن. سەبەبى جاندىكتىڭ قابىرشاق استىنداعى قاناتى وتە جىلدام ءارى ناقتى قوزعالىسقا ءتۇسىپ، جينالىپ ۇلگەرەدى. ال بۇل ءۇردىس تەك تابيعي دۇنيەدە ەمەس، عىلىمدا سونىڭ ىشىندە جاڭا تەحنولوگياعا اسەرىن تيگىزەرى انىق.

جاندىككە جاسالعان زەرتتەۋ ناتيجەسى ارقىلى عالىمدار تىكۇشاقتاردىڭ، ۇشاقتاردىڭ جالپى ۇشۋعا ارنايى جاسالعان تەحنيكالاردىڭ جۇمىسىن جەڭىلدەتۋى مۇمكىن. عىلىمدا گيدراۆليكا دەگەن ۇعىم بار. بۇل تەپە- تەڭدىكتى ۇستاۋشى زاڭدىلىققا نەگىزدەلگەن سۇيىقتىق. ول كەز كەلگەن تىرشىلىكتە بولا بەرمەيدى. اتالعان سۇيىقتىقتى ورگانيزم ءوزى بولەدى جانە سونىڭ كومەگىمەن حان قىزى قوڭىزى قاناتتارىن ەركىن اشىپ، ەركىن جيناي الادى. ءتىپتى ول وزىنەن قانشا ەسە ۇلكەن بولسا دا. جاپون عالىمدارىنىڭ جاڭالىعى قازىر تولىققاندى زەرتتەلىپ، ناتيجەسىن بەردى. الداعى ۋاقىتتا ونىڭ نەگىزگى جۇمىس ىستەۋ جۇيەسىنىڭ قىر- سىرى اشىلىپ، جاڭا تەحنولوگياعا جارامدى بولادى.

Massaget.kz