قازاقستان پوليتسەيلەرى جاستاردى سپورتقا باۋلۋدا

تالدىقورعان. قازاقپارات - قازاقستان پوليتسياسىنىڭ 25 جىلدىعىنا وراي فۋتبولدان تۋرنير ءوتتى. جارىسقا 7-11 -سىنىپ وقۋشىلارىنان جانە جەرگىلىكتى كوللەدج ستۋدەنتتەرىنەن قۇرالعان 6 كوماندا قاتىستى، دەپ حابارلايدى قازاقپارات ءتىلشىسى.
None
None

الماتى وبلىسى ءى ءى د باستىعى، پوليتسيا گەنەرال-مايورى مۇرات ۇرۇمحانوۆتىڭ باستاماسىمەن وتكەن تۋرنيردىڭ ماقساتى - جاسوسپىرىمدەردى سپورتقا باۋلۋ، بوس ۋاقىتتى ءتيىمدى پايدالانۋعا ۇيرەتۋ جانە پوليتسيا قىزمەتىن ناسيحاتتاۋ.

اتالعان تۋرنير بارىسىندا جەرگىلىكتى «جەتىسۋ» فۋتبول كلۋبىنىڭ ويىنشىلارى شەبەرلىك ساباعىن وتكىزىپ، قاتىسۋشىلارعا ساتتىلىك تىلەدى. جارتى كۇنگە سوزىلعان تارتىستى تۋرنيردە جۇلدەلى ءۇشىنشى ورىن العان پوليتەحنيكالىق كوللەدجدىڭ «بارىس» كومانداسىنىڭ ويىنشىلارى دەپارتامەنت اتىنان فيرمالىق فۋتبول كيىمدەرىمەن جانە ارنايى گراموتامەن ماراپاتتالدى.

ەكىنشى ورىن العان پوليتەحنيكالىق كوللەدجدىڭ «سۇڭقار» كومانداسىنا بىلعارى دوپ پەن گراموتا تابىستالدى. ال ءبىرىنشى ورىندى يەلەنگەن №25 -مەكتەپتىڭ «قىران» كومانداسىنىڭ فۋتبولشىلارى فيرمالىق فۋتبول كيىمدەرىن، بىلعارى دوپ پەن گراموتا الدى.

بارلىق جۇلدەگەر كوماندالارعا كۋبوكتار تابىستالدى. سونداي-اق، تۋرنير ناتيجەسىندە «ۇزدىك قورعاۋشى»، «ۇزدىك شابۋىلشى»، «ۇزدىك قاقپاشى» نوميناتسيالارى بويىنشا گراموتالار مەن سىيلىقتار بەرىلدى. سونىمەن قاتار، ءاربىر قاتىسۋشىعا «قازاقستان پوليتسياسىنا 25 جىل» لوگوتيپى بار ارنايى ازىرلەنگەن فۋتبولكالار تاراتىلدى. سوڭىندا ويىنشىلاردىڭ قاتىسۋىمەن ايگىلى «Mannequin challengە» فلەش- موبى ءتۇسىرىلىپ، وقۋشىلار پوليتسيا قىزمەتكەرلەرىن كاسىبي مەرەكەلەرىمەن قۇتتىقتادى.

اۆتور: سامال قابىشەۆا

 

سوڭعى جاڭالىقتار