ەلوردادا ماۋسىم ايىندا ءۇي جانۋارلارىنا قاتىستى جاڭا ەرەجە شىعادى

استانا. قازاقپارات - استانادا ءۇي جانۋارلارىن ۇستاۋ جانە قاڭعىباس يتتەردى اۋلاۋ بويىنشا جاڭا ەرەجەلەر ەنگىزىلەدى، دەپ حابارلايدى قالا اكىمدىگىنىڭ سايتى.
None
None

«استانا ۆەتسەرۆيس» ش ج ق ك م م ديرەكتورى ايدارحان ارىستانوۆتىڭ ايتۋىنشا، قالادا ءۇي جانۋارلارىن ۇستاۋ جانە قاڭعىباس يتتەر مەن مىسىقتاردى اۋلاۋ بويىنشا جاڭا ەرەجە 2017 -جىلدىڭ ماۋسىم ايىنان باستاپ ەنگىزىلەدى.

قازىرگى تاڭدا ەلوردادا يتتەردى تۇمىلدىرىقسىز سەرۋەندەتۋ، يەلەرى ءۇي جانۋارلارىنىڭ ناجىستەرىن جيناۋدان باس تارتاتىنى، اۋلالار مەن سپورت الاڭدارىندا سەرۋەندەتەتىنى ەڭ وزەكتى ماسەلەلەردىڭ ءبىرى بولىپ وتىر.

بۇل باعىتتا استانا قالاسى ءى ءى د ج پ ق تابيعاتتى قورعاۋ پوليتسياسىنىڭ قىزمەتكەرلەرى يەلەرىمەن ءجيى پروفيلاكتيكالىق جۇمىستار جۇرگىزىلەدى، الايدا ماسەلەنىڭ كۇرمەۋى تارقاتىلار ەمەس. سول سەبەپتى، وسى جىلدىڭ ماۋسىم ايىنان باستاپ مەكەمە ماماندارى جاڭا ەرەجەلەر بويىنشا جۇمىس ىستەۋدى كوزدەپ وتىر.

استانادا يتتەر مەن مىسىقتاردى ۇستاۋ جانە سەرۋەندەتۋگە قاتىستى ەرەجەگە ءبىرقاتار وزگەرىستەر ەنگىزىلگەن. ونىڭ باسىم بولىگى ءۇي جانۋارلارىن ۇرىقسىزداندىرۋ، سونىمەن قاتار قاڭعىباس ءيت پەن مىسىقتاردى قيناماي ارنايى دارىمەن جانسىزداندىرۋعا قاتىستى. بۇعان قوسا كاسىپورىن وكىلدەرى قاۋىپسىزدىكتى ساقتاۋ ماقساتىندا تالاستىراتىن يتتەردى تەك 21 جاسقا تولعان ادامدار عانا ۇستاي الاتىنىن حابارلادى.

«ءيت يەسى تۋرالى وزگەرىستەر ەنگىزىلدى. قولدانىستاعى ەرەجەدە 14 جاسقا تولعان ادامدار ءيت يەلەرى بولا الادى دەلىنگەن، ال ەندى 18 جاسقا جەتكەن ازاماتتار ەرەكشە جاۋاپكەرشىلىكتى قاجەت ەتەتىن يتتەردىڭ يەلەرى اتانا الادى. بۇل كۇنگە دەيىن «ۇستاۋعا كونەتىن قالا ءيتى» كۋرسى بويىنشا سىناقتاردان ءوتۋ كەرەك بولعان ەدى، ال جاڭا ەرەجەدە وسى كۋرستان مىندەتتى تۇردە ءوتۋ ۇسىنىلادى»، - دەيدى ايدارحان ارىستانوۆ.

سونىمەن قاتار قولدانىستاعى ەرەجەدەن جانۋاردىڭ پارازيتتىك اۋرۋلارعا تەكسەرىلۋى ءتيىس دەگەن پۋنكت الىنىپ تاستالدى. قازىرگى ۋاقىتتا قالالىق جانۋارلار ۇستايتىن ورىن مەن ءتالىمباقتار سانىن كوبەيتۋگە بيۋدجەتتەن قارجى ءبولۋ قاراستىرىلادى.

سوڭعى جاڭالىقتار