20:31, 18 - مامىر 2017 | GMT +5
قىتايدا حيرۋرگتار وپەراتسيا كەزىندە ءبىر-بىرىمەن توبەلەستى - كەسكىن
استانا. قازاقپارات - قىتايدا ەمدەلۋشىگە وپەراتسيا جاساۋ كەزىندە حيرۋرگتار بريگاداسىنىڭ ەكى مۇشەسى ءبىر-بىرىمەن توبەلەسە كەتەدى.
بۇل تۋرالى Shanghaiist حابارلايدى.
وقيعا 12- مامىر كۇنى حىنان پروۆينتسياسىندا بولعان. ۆيدەودا ەكى ايەل مەن ەر دارىگەر اراسىنداعى جانجالدىڭ توبەلەسكە ۇلاسىپ كەتكەنىن بايقاۋعا بولادى. ايەل ءبىرىنشى بولىپ سوققى جۇمساپ، سوسىن ەر ادام بىردەن شابۋىلعا شىعىپ ايەلدى تەپكىلەي باستايدى.
الدىن الا دەرەك بويىنشا، ەكەۋى ءبىر-بىرىمەن رومانتيكالىق قارىم-قاتىناستا بولعان، ءبىراق، ۇرىسىپ قالعان بولۋى مۇمكىن.
ال ۇرىسقا سەبەپ بولعان نارسە - ەر-حيرۋرگ ايەلگە وپەراتسيا كەزىندە دۇرىس ارەكەت جاساماعانىن كورسەتەدى. ال ايەل بولسا ونى تەرىسكە شىعارىپ، مويىنداماي قويادى. ناتيجەسىندە ۇرىس-كەرىستىڭ سوڭى توبەلەسكە ۇلاسقان.
