موناكو حانزاداسى مەن حانشايىمى ماۋسىمدا استاناعا كەلەدى

استانا. قازاقپارات - موناكو حانزاداسى البەر II جانە حانشايىم ستەفاني ماۋسىمدا ەكسپو-2017 كورمەسىنە كەلەدى، دەپ حابارلايدى قازاقپارات.
None
None

«10- ماۋسىمدا پاۆيلوننىڭ اشىلۋى جوسپارلانعان. 12- ماۋسىمدا بىزدە پاۆيلون بويىنشا باسپا ءسوز-تۋرى وتكىزىلەدى. 14- ماۋسىمدا موناكونىڭ تۋريزم دەپارتامەنتى ۇيىمداستىرعان شارا وتەدى. ءبىز ءۇشىن ماڭىزدى شارالاردىڭ ءبىرى 25- ماۋسىمعا بەلگىلەنگەن. ءدال وسى كۇنى موناكونىڭ ەكسپوداعى ۇلتتىق كۇنى شاراسىنا حانزادا البەر II مەن حانشايىم ستەفاني كەلەدى. سونىمەن قاتار، دەلەگاتسيا قۇرامىندا موناكونىڭ اسسامبلەيا پرەزيدەنتى، موناكو مەرى مەن ءبىزدىڭ ەلشى بار»، - دەدى پاۆيلون كوميسسارىنىڭ ورىنباسارى الەكساندر بوكيون.

ونىڭ سوزىنە قاراعاندا، ۇلتتىق كۇندە ونەر كورسەتۋگە مونتە-كارلودان جەرگىلىكتى سيرك ونەرپازدارى شاقىرتىلعان. «قىتايدان، موناكودان جانە قازاقستاننان كەلەتىن 3000 نان استام ونەرپاز سيرك ونەرىنىڭ فەستيۆالىنە قاتىسادى»، - دەدى الەكساندر بوكيون. جالپى موناكودان استاناعا 500 دەن اسا مەيمان كەلۋى كۇتىلۋدە.

سوڭعى جاڭالىقتار