11:33, 19 - مامىر 2017 | GMT +5
ديماش قۇدايبەرگەن اتاقتى كانن فەستيۆالىنىڭ قىزىل كىلەمىنەن ءجۇرىپ ءوتتى
استانا. استانا. قازاقپارات - بۇگىن وتانداسىمىز ديماش قۇدايبەرگەن فرانسيادا ءوتىپ جاتقان اتاقتى كانن فەستيۆالىنىڭ قىزىل كىلەمىنەن ءجۇرىپ ءوتتى.
بۇل تۋرالى ءانشىنىڭ PR- مەنەدجەرى الپامىس شاريموۆ ءوزىنىڭ فەيسبۋكتاعى جەكە پاراقشاسىندا جازدى.
ايتا كەتەيىك، كانن كينوفەستيۆالىنىڭ 70 جىلدىعى اياسىندا تۇڭعىش رەت قازاقستاندىق كينوعا ارنالعان ۇلتتىق پاۆيلون اشىلدى. اتالعان پاۆيلون ق ر سپورت جانە مادەنيەت مينيسترلىگىنىڭ قولداۋىمەن ورناتىلعان بولاتىن.
بيىلعى كانن فەستيۆالى اتى اڭىزعا اينالعان كلاۋديا كاردينالەگە ارنالادى. كلاۋديا كاردينالە - بەلگىلى يتاليالىق اكتريسا. ول «فيتسكاررالدو»، «سەگىز جارىم» سياقتى كوپتەگەن كينوكارتينادا ويناعان.
اۆتور: ريزابەك نۇسىپبەك ۇلى
