پاۆلودار وبلىسىندا وتباسى ءبىر كۇندە بەس بالانى باۋىرىنا باستى

استانا. قازاقپارات - پاۆلودار وبلىسى ۋسپەن بالالار ۇيىنەن بەس بالانى قامقورلىعىنا العان ۆاديم موروز بەن تامارا موروز ءبىر كۇندە كوپ بالالى وتباسى اتاندى.

وبلىستىق ءبىلىم بەرۋ باسقارماسى ءمالىم ەتكەندەي، موروز وتباسىسىنا 15 جاستاعى تاتيانا، 12 جاستاعى ۆالەنتينا، 10 جاستاعى گەننادي، 7 جاستاعى كلاۆديا جانە 5 جاستاعى الەكساندرا قوسىلدى.

بۇل بالالار ءبىر جانۇيادان شىققان، دەپ حابارلايدى pavlodarnews.kz. «ءبىرىنشى كۇننەن-اق بالالار ءبىر- بىرىنە باۋىر باسىپ كەتتى. قۇجاتتاردى راسىمدەگەنگە دەيىن دەمالىستاردا جانە مەرەكە كۇندەرى كەزدەسىپ تۇردىق. ولار وتە جاقسى، مەيىرىمدى، سىپايى. ءبىز ءوز تاراپىمىزدان بارىنشا ماحابباتىمىزدى سىيلاپ، ولاردىڭ ارماندارىن جۇزەگە اسىرا العانىمىزعا وتە قۋانىشتىمىز»، - دەدى تامارا ميحايلوۆنا.

ايتا كەتەيىك، تامارا ميحايلوۆنا كوپ ۋاقىت بويى بالالار ۇيىندە تاربيەشى بولعان. ۆاديم موروز «كيروۆا» ج ش س- ندە مەحانيك بولىپ جۇمىس ىستەيدى. وتباسىنا قابىلدانعان جالعىز ەر بالا گەنادييگە الداعى ۋاقىتتا شارۋاشىلىقتى جۇرگىزۋگە ۇيرەتۋدى جوسپارلاپ وتىر. «قابىلداۋشى وتباسى - بۇل جەتىم بالالار جانە اتا- اناسىنىڭ قامقورلىعىنسىز قالعان بالالارعا ارنالعان ءبىلىم بەرۋ ۇيىمدارىنان 4 تەن 10 جاسقا دەيىنگى بالالاردى قابىلدايتىن تولىق وتباسى.

قابىلداۋشى اتا-انالاردىڭ ەكەۋىنە دە اقشالاي قاراجات تولەۋ قاراستىرىلعان. ازاماتتاردى ءوز وتباسىندا تاربيەلەۋگە قابىلداۋعا قورىقپاۋعا شاقىرامىز. مەملەكەتتىك مەكەمەلەردە بالالاردىڭ جاعدايلارى قانشالىقتى جاقسى بولعانىمەن وتباسى جىلۋىنىڭ ورنىن تولتىرا المايدى»، - دەيدى ءبىلىم باسقارماسى باسشىسىنىڭ ورىنباسارى ەرنۇر داۋەنوۆ.

ەسكە سالا كەتەيىك، بۇل - پاۆلودار وبلىسىندا قۇرىلعان ەكىنشى قابىلداۋشى وتباسى. بارلىق اتا- انالار پەداگوگتار بولىپ تابىلاتىنىن اتاپ وتكەن ءجون. جاقىن ارادا ميچۋرين بالالار ۇيىنەن تاعى ءتورت بالا كاچير اۋدانىنىڭ قابىلداۋشى وتباسىنا بەرىلەتىن بولادى.