قازاقستان تاۋارلاردىڭ قاۋىپسىزدىگىن قامتاماسىز ەتۋ ءۇشىن قىرعىزدارعا قارجى بولمەك
دەپ حابارلايدى قازاقپارات.
«كەلىسىم 2014 -جىلعى 7 -قاراشادا قازاقستان مەن قىرعىزستان اراسىنداعى جوعارعى مەملەكەت ارالىق كەڭەس وتىرىسىنىڭ اياسىندا مەملەكەت باسشىلارى بەرگەن تاپسىرماعا سايكەس ازىرلەندى. قۇجاتقا 2016 -جىلعى 28 - جەلتوقساندا قول قويىلدى. كەلىسىم نورمالارىنا سايكەس، قازاقستان تاراپى قىرعىزستاننىڭ ەۋرازيالىق ەكونوميكالىق وداققا ينتەگراتسياسى پروتسەسىنە جاردەمدەسۋ ماقساتىندا اتالعان ەلگە 100 ميلليون ا ق ش دوللارىنا تەڭ كومەك كورسەتەدى. كومەك قىرعىز تاراپىنا ەۋرازيالىق ەكونوميكالىق وداققا قوسىلۋى جونىندەگى «جول كارتالارىندا» كوزدەلگەن شارالاردى ىسكە اسىرۋعا، اتاپ ايتقاندا ە ا ە و كەدەندىك شەكاراسىنىڭ قىرعىز ۋچاسكەسىندە كەدەندىك ينفراقۇرىلىمدى جاقسارتۋعا، قىرعىزستاننىڭ سانيتارلىق، ۆەتەرينارلىق، فيتوسانيتارلىق جۇيەلەرىن ە ا ە و تالاپتارىمەن سايكەستەندىرۋگە بەرىلەدى»، - دەپ توقتالدى ق ر ۇلتتىق ەكونوميكا ءمينيسترى تيمۋر سۇلەيمەنوۆ زاڭ جوباسى بويىنشا بايانداماسى بارىسىندا.
بۇل رەتتە كومەك تەحنيكالىق جاردەمدەسۋ تۋرالى ۇكىمەتارالىق جەكەلەگەن حاتتالامالارعا سايكەس، كەزەڭ- كەزەڭمەن اقشا قاراجاتتارى، تاۋارلار، مامانداردى وقىتۋ تۇرىندە بەرىلەتىن بولادى. ونىڭ سوزىنە قاراعاندا، كەزەكتى كومەك بەرۋ ترانشىن قالىپتاستىرۋ ماقساتىندا قىرعىزستان جاعى شارالار تىزبەسىن، سونىمەن قاتار كومەكتىڭ نەگىزدىلىگىن راستايتىن قۇجاتتاردىڭ بولۋى تۋرالى قورىتىندىنى ۇسىنادى.
«ۇسىنىلعان كومەكتىك ماقساتقا ساي جانە ءتيىمدى جۇمسالۋىن باقىلاۋ باعىتىندا قازاقستان- قىرعىزستان ۇكىمەتارالىق كەڭەسى اياسىندا بىرلەسكەن ەكىجاقتى تەكسەرۋ كوميسسياسى قۇرىلادى. تۇتاستاي العاندا، مەملەكەتتىك شەكارانىڭ قازاق- قىرعىز ۋچاسكەسىندە ۆەتەرينارلىق باقىلاۋدى الىپ تاستاۋ بولجامىن ەسكەرسەك، ەۋرازيالىق ەكونوميكالىق وداقتىڭ سىرتقى سۇلباسىندا قىرعىز وتكىزۋ بەكەتتەرىن جاراقتاندىرۋ ۇدەرىسىنە بارىنشا كومەك كورسەتۋگە قازاقستان مۇددەلى ەكەنىن ايتا كەتۋ كەرەك. بۇل ءوز كەزەگىندە قازاقستان اۋماعىنا كورشى ەلدەن جانە ەاەو- نىڭ باسقا دا ەلدەرىنەن اكەلىنەتىن تاۋارلاردىڭ قاجەتتى قاۋىپسىزدىك دەڭگەيىن قامتاماسىز ەتۋگە مۇمكىندىك بەرەدى»، - دەدى سۇلەيمەنوۆ.
اۆتور: رۋسلان عابباسوۆ
