نيۋ-يورك قالاسىندا الەمدەگى ەڭ ۇزىن عيمارات پايدا بولادى - فوتو
ادەتتە، عيمارات ۇزىندىعى ونىڭ بيىكتىگىنە سايكەس كەلەتىن، ال oiio ارحيتەكتۋرالىق ستۋدياسى جاساعان نۇسقاعا مۇنداي تالاپ قويا المايسىز.
ماسەلە ونىڭ ەرەكشە قۇرىلىمىنا بايلانىستى بولىپ وتىر. بۇل ۇلكەن قالالاردا كورىپ كوزىمىز ۇيرەنگەن جالعىز مۇنارالى عيمارات ەمەس.
سىرت كوزگە The Big Bend («ۇلكەن ءيىلىم») قاقپامەن (اركا) جالعانعان قاراپايىم قوس مۇنارانى نەمەسە جاي عانا تاعانى ەسكە تۇسىرەدى.
بۇل جوبانىڭ ۇزىندىعى - 1230 مەتر بولسا، بيىكتىگى - 600 مەتر، ياعني، The Big Bend جۇزەگە اسىرىلعاننىڭ وزىندە دۋبايداعى 828-مەترلىك بۋردج-حاليفا الەمدەگى ەڭ بيىك عيمارات بولىپ قالا بەرەدى.
اسپانمەن تالاسقان عيمارات تەرەزەلەرىنەن ورتالىق ساياباقتى تاماشالاۋعا بولادى. ال، ونىڭ ەڭ جوعارعى قاباتتارىندا پەنتحاۋستار ورنالاستىرىلادى.
جالپى، ارحيتەكتۋرالىق oiio ستۋدياسى نيۋ-يورك جانە افينا قالالارىندا جۇمىس ىستەيدى. ولاردىڭ نەگىزگى ماقساتى - نەعۇرىلىم كىشكەنە جەرگە كوپ پاتەر سالۋ، ياعني، مەگاپوليستەرگە ءتيىمدى عيماراتتار تۇرعىزۋمەن شۇعىلدانادى. كومپانيا The Big Bend عيماراتىن سالۋعا نيۋ-يورك قالاسىنىڭ نەگىزگى ماگيسترالى سانالاتىن 57- جانە 432- اۆەنيۋلەر قيىلىسىن تاڭداپ وتىر.
Massaget.kz
