12:53, 15 - مامىر 2017 | GMT +5
بەيجىڭگە بارعان وزبەك پرەزيدەنتى ايەلىنىڭ سۇلۋلىعى كوپشىلىكتى ءتانتى ەتتى - فوتو، ۆيدەو
استانا. قازاقپارات - وزبەكستان پرەزيدەنتى شاۆقات ميرزيەيەۆ كەلىنشەگى زيرواتحون حوشيموۆامەن بىرگە قىتاي حالىق رەسپۋبليكاسىنا مەملەكەتتىك ساپارمەن كەلدى.
بۇل تۋرالى Sputnik وزبەكستان حابارلايدى.
پرەزيدەنت ق ح ر ءتوراعاسى شي جينپيڭنىڭ ارنايى شاقىرۋىمەن كەلگەن بولاتىن. وزبەك كوشباسشىنىڭ ساپارى 15 مامىرعا دەيىن سوزىلدى.
شوۋدۋ حالىقارالىق اۋەجايىندا وزبەك پرەزيدەنتىن قۇرمەتتى قاراۋىل قارسى الدى. ولار تراپپەن تومەن تۇسكەن كەزدە قاتتى جەل سوعىپ كەتكەن.
الايدا بۇل جاعداي حوشيموۆاعا كەدەرگى كەلتىرمەگەن. ول بەتىنە تۇسكەن شاشىن تۇزەپ، قارسى الۋشىلارمەن كۇلىمسىرەي امانداستى.
مەملەكەتتىك ساپاردىڭ نەگىزگى بولىگى 12-13 -مامىر كۇندەرى بولدى. ميرزيەيەۆ ق ح ر ءتوراعاسى شي جينپيڭمەن، ەل پرەمەر- ءمينيسترى لي كىشياڭمەن، بۇكىل قىتايلىق حالىقتىق جينالىس وكىلدەرى كوميتەتىنىڭ تۇراقتى ءتوراعاسى جاڭ دىجياڭمەن كەلىسسوزدەر جۇرگىزدى.
