جولاۋشىلار پويىزى ۇيگە سوعىلدى - كەسكىن

استانا. قازاقپارات - گرەكيادا سالونيكي قالاسىنا جاقىن ماڭدا Intercity «افينى-سالونيكي» حالىقارالىق جولاۋشىلار پويىزى رەلستەن شىعىپ كەتتى.

 

گرەكيالىق Skai تەلەارناسىنىڭ حابارلاۋىنشا، اپاتتان بىرنەشە ادام زارداپ شەككەن. «سالونيكي قالاسىنان تىس جەردە، ادەندرو ەلدى مەكەنىندەگى تەمىرجول ستانساسىنا تاياۋ ماڭدا 100 ادامدى الىپ كەلە جاتقان حالىقارالىق جولاۋشىلار پويىزى جەرگىلىكتى ۋاقىتپەن 9:40 تا رەلستەن شىعىپ كەتتى، دەلىنگەن حابارلامادا.

الدىن الا بولجامدارعا قاراعاندا، رەلستەن 5 ۆاگون شىعىپ كەتكەن، ال لوكوموتيۆ تۇرعىن ۇيگە سوعىلعان. ماشينيستىڭ جاعدايى اۋىر، سونداي-اق بىرنەشە ادام جاراقاتتاندى. اپات سالدارى جايلى ازىرگە ايتىلماي وتىر.