پاۆلودارداعى زاۋىتتا اۆياتسيالىق كەروسين شىعارىلادى
پاۆلوداردىڭ مۇناي- حيميا زاۋىتىندا كاسىپورىندى جاڭعىرتۋ جوباسى اياقتالۋعا جاقىن. وسى جۇمىستاردىڭ ارقاسىندا جوعارى وكتاندى بەنزين ءوندىرىسى 300 مىڭ تونناعا دەيىن ۇلعايادى. سونىمەن قاتار زاۋىت شىعاراتىن جانار- جاعارمايدىڭ ساپاسى ك-4 جانە ك-5 دەڭگەيىنە كوتەرىلەدى. جاڭادان سالىنعان تەحنولوگيالىق كەشەندەر مۇناي وڭدەۋ كولەمىن 5 ميلليوننان 6 ميلليون تونناعا دەيىن ارتتىرۋى ىقتيمال.
زاۋىت تولىق جاڭعىرتۋدان وتكەندە، وڭدەلەتىن مۇناي ونىمدەرىنىڭ ساپاسى كەدەندىك وداق تالابىنا سايكەس كەلەتىنىن اتاپ وتكەن ءجون.
قانات بوزىمبايەۆ، ق ر ەنەرگەتيكا ءمينيسترى:
- بۇل زاۋىتتا 1 - قازاندا 3 جاڭا قوندىرعى ىسكە قوسىلاتىن بولادى جانە 1 - قاراشادا جالپى مودەرنيزاتسيالاۋ، جاڭعىرتۋ جۇمىستارى بىتەدى. قازىردىڭ وزىندە زاۋىت باسشىلىعى، «قازمۇنايگاز» ۆيتسە- پرەزيدەنتى بىزگە وسى ماسەلە تۋرالى كەپىلدىك بەرىپ وتىر. جاڭارعان زاۋىتتا جانارماي مەن اۆياكەروسين ساپاسى ارتادى.
www.24.kz
