تەمىرتاۋ مەتاللۋرگتەرى قۇرىش پەن شويىن ءوندىرىسىن ارتتىردى
«ارسەلور ميتتال تەمىرتاۋ» كومپانياسى باسپا ءسوز قىزمەتىنىڭ حابارلاۋىنشا، مەتاللۋرگيالىق كومبيناتتا جىل باسىنان بەرى 1 ميلليون 300 مىڭ توننا قۇرىش وندىرىلگەن. بۇل وتكەن جىلدىڭ سايكەس مەرزىمىندەگى كورسەتكىشتەن 8,2 پايىزعا كوپ. سونداي- اق ولار 1 ميلليون 200 مىڭ توننا شويىن وندىرگەن. بۇل وتكەن جىلدىڭ سايكەس مەرزىمىندەگى كورسەتكىشتەن 8,4 پايىزعا ارتىق. مەتاللۋرگتەر بەلگىلەنگەن جوسپاردى اسىرا ورىنداۋدا.
«ءبىز نەگىزگى قورلاردى جاڭعىرتۋ، كومبينات سەحتارىنىڭ قۇرىلعىلارىن جاڭارتۋ مەن ءوندىرىس اگرەگاتتارىنىڭ جۇمىسىن تۇراقتاندىرۋ شارالارىنىڭ ارقاسىندا رەكوردتىق ناتيجەگە قول جەتكىزدىك. بىزگە ەندى ءوندىرىس كولەمىن ارتتىرۋ، ءونىمنىڭ ساپاسى مەن تەحنولوگياسىن جەتىلدىرۋ، بوس تۇرۋ مەن شىعىنداردى ازايتۋ باعىتىنداعى جۇمىستاردى جەتىلدىرۋ كەرەك. ول ءۇشىن كاسىپورىندا بارلىق مۇمكىندىكتەر بار. ەڭ باستىسى، الدىعا قويعان ماقساتتاردى ورىنداي الاتىن ەڭبەكقور ۇجىم بار»، - دەدى «ارسەلورميتتال تەمىرتاۋ» ا ق اتقارۋشى ديرەكتورى ۆاديم باسين.
اۆتور: ايدار وسپاناليەۆ
