مەملەكەت باسشىسى ءوزىنىڭ اعىلشىن ءتىلىن جاقسى بىلەتىنىن كورسەتتى - فوتو، ۆيدەو
كەزدەسۋدىڭ باسىندا مەملەكەت باسشىسى كاتسۋدىڭ جاعدايىن اعىلشىنشا سۇرادى.
«How are you»، - دەپ سۇراعان پرەزيدەنت سۇراعىنا شيگەو مىرزا:
«Very well, thank you so much, how are you (وتە جاقسى، ۇلكەن راحمەت، ال ءسىزدىڭ جاعدايىڭىز قالاي؟)»، - دەپ جاۋاپ بەردى.
« Fine, thank you. Please, your report (جاقسى، راحمەت. ءسىزدىڭ جاۋابىڭىز، ءوتىنىش)»، - دەدى نازاربايەۆ ءوز كەزەگىندە.
كەزدەسۋدە پرەزيدەنتكە ءبىلىم بەرۋ مەكەمەسىنىڭ جۇمىس ناتيجەلەرى تۋرالى ەسەپ بەرىلىپ، ۋنيۆەرسيتەتتىڭ قۇرىلعانىنان بەرگى جەتىستىكتەرى جانە ونى بۇدان ءارى دامىتۋ جوسپارلارى جونىندە باياندالدى.
ەلباسىعا «نازاربايەۆ ۋنيۆەرسيتەتى» دەربەس ءبىلىم بەرۋ مەكەمەسى 7 جىلداعى ءوز جۇمىسى بارىسىندا جەتەكشى حالىقارالىق جوعارى وقۋ ورىندارىنىڭ ۇزدىك تاجىريبەسىن قابىلداعانى، سونداي- اق وقۋ ورنىندا بولاشاعىنان ءۇمىت كۇتتىرەتىن ەڭ دارىندى ستۋدەنتتەردى ىرىكتەۋگە سەپتىگىن تيگىزەتىن مەريتوكراتيا قاعيداتى ەنگىزىلگەنى مالىمدەلدى.
شيگەو كاتسۋدىڭ ايتۋىنشا، قازىرگى كەزدە دەربەس ءبىلىم بەرۋ مەكەمەسى رەتىندەگى بۇل مىقتى زەرتتەۋ ۋنيۆەرسيتەتى ۇلتتىق دەڭگەيدە تۇراقتى ارىپتەستىكتى قالىپتاستىرۋ ءۇشىن تەحنولوگيالاردى دامىتۋعا، ءبىلىمدى جەتىلدىرۋگە زور مۇمكىندىك بەرەدى.
بيىل «نازاربايەۆ ۋنيۆەرسيتەتى» دەربەس ءبىلىم بەرۋ مەكەمەسىنىڭ ءۇشىنشى تۇلەكتەرى وقۋدى ءتامامدايدى.
