انالارىمىز بەسىك جىرى مەن ەرتەگىنى ايتسىن، سوندا عانا سانامىز جاڭعىرادى - عالىم تولەنبەرگەنوۆا
«ۇلتتىق بىرەگەيلىكتى قالاي ساقتاۋعا بولادى؟ «ەل بولامىن دەسەڭ، بەسىگىڭدى تۇزە» دەيدى دانا حالقىمىز. ال سول بەسىكتى كىم تەربەتەدى؟ ارينە، ول - انا. سوندىقتان بۇگىندە قوعامدىق سانانى جاڭعىرتامىز دەسەك، انالاردىڭ ءرولىن كۇشەيتۋ كەرەك. وسى ورايدا ءتىل كوميتەتى ۇيىمداستىرعان كونفەرەنتسيادا قىتايدان كەلگەن ءبىر پروفەسسوردىڭ ءسوزى ەسىمنەن كەتپەيدى. ول ايتادى، قازاق تىلىندە 42 اق ءارىپ بار، ال قىتايدا بەلسەندى يەروگليفتەردىڭ سانى 100 مىڭنان اسادى. سوندا قىتايلىق وتباسىدا انا عانا بالاسىنىڭ بولاشاعىن ويلايدى ەكەن. بالاباقشاعا دا، ەشقايدا جىبەرمەيدى. كۇندە بالانى سوزگە ۇيرەتەدى. بالا بەس جاسقا كەلگەندە 50 مىڭ يەروگليفتى ءبىلىپ شىعادى. ءبىز بولساق، ادىستەمەنى جوندەيمىز، ءتىل ۇيرەنۋدىڭ جاڭا جۇيەسىن ويلاپ تابامىز. الايدا ءوز تىلىمىزدە سويلەمەيمىز. سوندىقتان انالار ءوز بالالارىنا ءتىلدى وقىتۋدى قولعا الۋى قاجەت. ءوزىمىز قالاي وستىك؟ اجەلەردىڭ ەرتەگىسىن تىڭداپ وستىك. ولار بىزگە الپامىس مەن قوبىلاندى جىرلارىن، قورقىتتىڭ اڭىزدارىن جاتقا ايتىپ بەرۋشى ەدى. مەنىڭشە، رۋxاني جاڭعىرۋدى سودان باستاۋ قاجەت. رۋحاني جاڭعىرۋعا انالار اتسالىسۋى قاجەت. بەسىك جىرىن ايتسىن، ەرتەگى ايتسىن، سوندا عانا بەسىگىمىز تۇزەلەدى»، - دەيدى پروفەسسور تولەنبەرگەنوۆا.
ايتا كەتەيىك، بۇگىن قازاقستان حالقى اسسامبلەياسىنىڭ عىلىمي- ساراپشىلىق كەڭەسىنىڭ مۇشەلەرى پرەزيدەنتتىڭ «بولاشاققا باعدار: رۋحاني جاڭعىرۋ» ماقالاسىن تالقىعا سالدى. وتىرىس بارىسىندا قوعامدىق سانانى جاڭعىرتۋ جونىندەگى ۇلتتىق كوميسسيانىڭ مۇشەسى، پروفەسسور اناتولي باشماكوۆ ءوزىنىڭ كەيبىر ۇسىنىستارىن ورتاعا سالدى.
