07:37, 11 - مامىر 2017 | GMT +5
جۇزدەگەن قۇستار قالانىڭ كوك تىرەگەن ۇيلەرىنە سوعىلدى - كەسكىن
استانا. قازاقپارات - وڭتۇستىكتە قىستاپ شىققان قۇستار جىلداعىداي مەكسيكا شىعاناعىن قيىپ ءوتىپ، سولتۇستىكتەگى وزدەرى ۇيا سالاتىن ورىندارعا باعىت العان.
مامىردىڭ باس كەزىندە گالۆەستون اۋماعىندا كۇشتى جەل تۇرىپ، نوسەر جاڭبىر جاۋدى. وسىنىڭ سالدارىنان قۇستار تومەندەپ ۇشقان. مامانداردىڭ ايتۋىنشا، قاراڭعىلىق قۇشاعىندا قالعان قۇستار 25 قاباتتى ءزاۋلىم عيماراتتارداعى وتكىر جارىقتاردى كۇن ساۋلەسى دەپ قابىلداعان بولۋى كەرەك. جۇزدەگەن قاناتتىلار بيىك ۇيلەرگە سوعىلىپ ولگەن، تەك ۇشەۋى عانا ءتىرى قالعان.
ولار وڭالتۋ ورتالىقتارىنا جەتكىزىلدى. تەحاس ورنيتولوگتارىنىڭ اتاپ وتۋىنشە، مۇنداي قۇستاردىڭ جاپپاي قىرىلۋى سوڭعى ون جىلدىڭ كولەمىندە كەزدەسپەگەن. ولار ءىرى قالالاردىڭ بيلىك ورىندارىنا قۇستاردىڭ كەلۋ جانە قايتۋ ماۋسىمىندا بيىك ۇيلەردەگى جارىقتى ەڭ بولماعاندا تۇنگى مەزگىلدە ءسوندىرۋدى سۇرادى.
