22:48, 10 - مامىر 2017 | GMT +5
قىتايدا ۇستىنەن ەكى رەت كولىك وتكەن بالاقاي امان قالدى - ۆيدەو
استانا. قازاقپارات - ەكى كولىك ۇستىنەن ءوتىپ كەتكەن بالا امان قالدى، دەپ حابارلايدى Baq.kz شەتەلدىك ب ا ق- قا سىلتەمە جاساپ.
بۇل جاعداي جۇرتشىلىقتى تاڭعالدىرۋدا. وقيعا قىتايدىڭ وڭتۇستىك باتىسىندا بولعان.
عالامتورداعى بەينەدەن اناسىنىڭ قاسىندا كەلە جاتقان ەكى جاستاعى بالا جۇگىرىپ جولعا شىعىپ كەتكەنىن بايقاۋعا بولادى. كولىكتىڭ جولىنا شىققان بالانى جۇرگىزۋشىلەر دە بايقاماي قالادى.
اناسى بالاسىنا جەتكەنشە، ونىڭ ۇستىنەن ەكى اۆتوكولىك ءوتىپ كەتەدى. ءبىراق، كولىك استىندا قالعان قىز بالا ءدىن امان. ءتىپتى، دەنەسىنە ەشبىر اۋىر جاراقات تا تۇسپەگەن سياقتى.
اياق استىنان شىعا كەلگەن بالانى كولىك جۇرگىزۋشىلەرى بايقاماسا كەرەك.
