مۇزدىقتاردىڭ ەرۋى ەمى جوق ۆيرۋستاردى «وياتۋى» مۇمكىن

 استانا. قازاقپارات - پوليارلىق ايماقتاردا زەرتتەۋ جۇمىسىن جاساپ جاتقان عالىمدار مۇزدىقتاردىڭ ەرۋى ءبىز بەن ءسىز ويلاعاننان دا قاۋىپتى ەكەنىن ەسكەرتەدى.

بۇل قورقىنىش تۋرالى دابىل قاققان زەرتتەۋشىلەر ايتۋىنشا، مىڭ جىلدىقتارعا قۇرساۋلانىپ جاتقان مۇز قاباتىندا كونە كەزدەن بار ءتۇرلى ۆيرۋستار قالۋى مۇمكىن. مۇزدىڭ ەرۋ قارقىنى وسىلاي جالعاسا بەرسە ولاردىڭ ويانارى انىق دەيدى. سوندىقتان «ماڭگى ۇيقىداعى مۇزدىقتاردىڭ» ەرىمەۋىن قاداعالاۋ كەرەك.

 سۋرەتتە: ميميۆيرۋس جوعارىداعى ايتقان ءسوزىمىز ناقتى بولۋ ءۇشىن، 2015 -جىلى فرانتسۋز عالىمدارى جان- ميشەل كلاۆري مەن شانتال ابەرگەل ءسىبىر مۇزدىعىنان تاپقان ۆيرۋسى تۋرالى ايتايىق. بۇل ۆيرۋستىڭ ءومىر سۇرگەنىنە وتىز مىڭ جىلدان اسقان. زەرتحاناعا الىپ كەلىپ زەرتتەۋ جاساعان عالىمدار اتالعان ۆيرۋستىڭ ادام اعزاسىنا اسا قاۋىپتى ەكەنىن انىقتاعان. توقسانىنشى جىلدارى ورىستىڭ سولتۇستىك وڭىرىنە جۇرگىزىلگەن زەرتتەۋ ناتيجەسىندە عانا عاسىر بويى تىعىلىپ جاتقان ميميۆيرۋستار پايدا بولعانى جاريالاندى. ميميۆيرۋستاردىڭ قاراپايىم باكتەريا مەن ۆيۋرستان ايىرماشىلىعىن عالىمدار بىلاي تۇسىندىرەدى: ەڭ جۇقپالى ءارى ەم جوق دەرت جيتس- تىڭ ۆيرۋسى 9 گەندىك كلەتكادان تۇراتىن بولسا، ميميۆيرۋس 1200 گەننەن تۇرادى. بۇل ءتىپتى ەمى تۇگىلى، ول اۋرۋدىڭ قانداي بولاتىنىن ويلاۋدىڭ ءوزى قورقىنىشتى ەكەنىن ايتادى.

Massaget.kz