بۇرىنعى يمام پولشانىڭ قازاقستانداعى ەلشىسى بولۋى مۇمكىن
بەلگىلى عالىم، قوعام قايراتكەرى حازبييەۆيچتىڭ كانديداتۋراسىن پولشالىق سەيم قاراۋىنا پ ر سىرتقى ىستەر ءمينيسترى ۆيتولد ۆاشيكوۆسكيي ەنگىزدى، دەپ اتاپ ءوتتى Gazeta.pl باسىلىمى.
وسى قۇجاتتى ساياساتكەر روبەرت تىشكيەۆيچ تۋيتتەرگە جاريالادى. جاڭالىقتى فەيسبۋكتە قازاقستاندىق پايدالانۋشىلار تالقىلاپ جاتىر.
«راستالعان جاعدايدا، سەليم حازبييەۆيچ مىرزا پولشا رەسپۋبليكاسىنىڭ استاناداعى توتەنشە جانە وكىلەتتى ەلشىسى بولادى. ول جازۋشى، پۋبليتسيست، عىلىم دوكتورى، پروفەسسور. ونىڭ دوكتورلىق ديسسەرتاتسياسىنىڭ تاقىرىبى: - «20- عاسىرداعى پولشا مۇسىلماندارىنىڭ يدەولوگياسى»، - دەپ جازدى «ۆەنز» الماتىلىق پولشالىق مادەنيەت ورتالىعىنىڭ باسشىسى ولەگ چەرۆينسكيي wiadomosci.gazeta.pl-گە سىلتەمە جاساپ.
ينتەرنەت- پورتالدىڭ حابارلاۋىنشا، 2003 -جىلعا دەيىن سەليم گدانسكىدە مۇسىلمان قوعامىنىڭ يمامى بولدى.
ەسكە سالساق، 2015 -جىلعى قازاندا ق ر- داعى پ ر توتەنشە جانە وكىلەتتى ەلشىسى بولىپ وسى لاۋازىمدا ءبىر جىلدان ارتىق جۇمىس ىستەگەن ماچەي لانگ تاعايىندالعان.
