ەۆا لونگوريا ديماشتى پاريجدە وتەتىن قايىرىمدىلىق كەشىنە شاقىردى
«@unicef ۇيىمىنىڭ قولداۋىمەن ۇيىمداستىرىلاتىن اتى الەمگە تانىمال اكتريسا، پروديۋسەر، رەجيسسەر ەۆا لونگوريا حانىمنىڭ قايىرىمدىلىق گالا- كەشكى اسىنىڭ قادىرلى قوناعى بولامىز. الەم جۇلدىزدارى باس قوساتىن كەش 16 - مامىر كۇنى فرانسيا استاناسى پاريج قالاسىندا وتەدى. ديماش گالا- كەشتە ءان شىرقايدى. وسى كەشكە شاقىرعان ەۆا حانىمعا جانە فرانسۋزدىق دوستارىمىز تەري مارتينو جانە فلابيەنگە راحمەت ايتامىن!» ، - دەپ جازدى بۇگىن ءانشىنىڭ رەسمي وكلى جانە دوسى الپامىس ءشارىموۆ الەۋمەتتىك جەلىدە.
«پاريجدە 16 -مامىر كۇنى وتەتىن Global Gift Gala شاراسىندا ءان ايتۋ مەن ءۇشىن ۇلكەن ابىروي» ، - دەپ جازدى ءانشى جەلىدە.
ايتا كەتەيىك، Global Gift قورى كوممەرتسيالىق ەمەس قايىرىمدىلىق قورىنىڭ ماقساتى كومەكتى قاجەت ەتەتىن بالالار مەن ايەلدەرگە جانە وتباسىلارعا قولداۋ كورسەتۋ. ەۆا لونگوريا مەن ول نەگىزىن قالاعان Eva Longoria Foundation جانە Global Gift Foundation قايىرىمدىلىق قورى بىرنەشە جىلدان بەرى بىرلەسىپ قىزمەت ەتۋدە.
