جەر بەتىندەگى سولتۇستىكتە ورنالاسقان ەڭ شەتكى قالا

استانا. قازاقپارات - باتىس شپيتسبەرگەن ارالىندا لونگيير دەپ اتالاتىن شاعىن عانا قالا بار.

بۇل قالانىڭ قازاقشا اتاۋى « ۇزاق جىل». ءيا قالانىڭ اتى وزىنە ساي جەر بەتىندەگى ەڭ سولتۇستىك وڭىردە ورنالاسقان مەكەن. مۇندا جەتۋ ازاپتىڭ ازابى. قالانىڭ قۇرىلعانىنا ءجۇز جىل بولعان. 1906 -جىلى ا ق ش كاسىپكەرى دجون مانرو لونگيير وسى جەردەن كومىر كەنىن اشقان. قالانىڭ اتى وسى ادامنىڭ ەسىمىنە بەرىلگەن. 1916 -جىلى قالانىڭ Store Norske كومپانياسى ساتىپ الادى. قالادا 2000 جۋىق قانا حالىق تۇرادى. مۇنداعى اۋا تەمپەراتۋراسى دا قۇبىلمالى. ەڭ سۋىق تەمپەراتۋرا 1979 -جىلى شىلدە جانە 1986 -جىلى ناۋرىز ايىندا تىركەلگەن. قازىرگى تاڭدا قالادا 1906 -جىلدان قالعان جالعىز كومىر كەنى جۇمىس جاسايدى. ال حالىقتى اسىراۋ ءۇشىن بۇل نەگىزگى كىرىس كوزى ەمەس.

قالادا ءۇش بىردەي قوناق ءۇي بار. ءار قوناق ۇيگە كەلۋشى ساياحاتشىلاردىڭ سانى جىل سايىن ارتىپ كەلەدى. سوندىقتان بۇل قالا ءبىر جاعى ساياحات قالاسى دەۋگە دە بولادى. 1943 -جىلى قالانىڭ جەرمەن جەكسەن ەتىپ، سوعىس باستالادى. ءبىراق ەكىنشى دۇنيەجۇزىلىك سوعىستان كەيىن قالانىڭ ىرگەتاسى قايتا قالانىپ،  ۇلى بريتانياعا قونىس اۋدارعان جۇرت كوشىپ كەلەدى. ەڭ قىزىعى قالادا جالعىز عانا گازەت جارىققا شىعادى. ول قالالىق اقپاراتتىق گازەت. ءبىراق ونىڭ باسىلىم داناسى -  3000. ال قىزىق دەپ وتىرعانىمىز، حالىق سانى ەكى- اق مىڭ. گازەت سانى حالىقتان الدەقايدا كوپ شىعادى. سەبەبى كەلۋشى ساياحاتشىلارعا ارنالعان. 1993 -جىلى قالادا سۆالبارد حالىقارالىق ۋنيۆەرسيتەتى اشىلادى. بۇل ۋنيۆەرسيتەت قالامەن بىرگە جەر بەتىندەگى سولتۇستىك وڭىردە ورنالاسقان جالعىز ۋنيۆەرسيتەت دەگەن مارتەبەگە يە.

ۋنيۆەرسيتەت قابىرعاسىندا 350 ستۋدەنت وقيدى. قالاداعى ەڭ قىزىق ءارى تۇسىنىكسىز زاڭ: «لونگيير قالاسىندا ولۋگە رۇقسات جوق». سەبەبى قايتىس بولعان ادامدى كومسە نەمەسە سۋعا جىبەرسە، اق ايۋلار يىسىنە كەلۋى مۇمكىن دەپ كۇتىلەدى. ال بۇل قالا تۇرعىنى ءۇشىن قاۋىپتى.