قۇپيا وربيتالىق ۇشاق ەكى جىلدان سوڭ جەرگە ورالدى
ۇشاق 7 -مامىردا فلوريداداعى كاناۆەرال مۇيىسىندەگى عارىش شاتتلگە ارنالعان جانە باعدارلاما جابىلعان ساتتەن باستاپ پايدالانىلماعان جولاققا قوندى. ۇشاق 2015 -جىلى مامىردا «اتلاس-5» زىمىران تاسىعىشى كومەگىمەن سول كاناۆەرال مۇيىسىنەن وربيتاعا شىعارىلعان.
ول وربيتادا 700 تاۋلىككە جۋىق بولدى. ۇشاق امەريكالىق اسكەري- اۋە كۇشتەرىنىڭ جەدەل دەن قويۋ كۇشتەرىنە ەكسپەريمەنتتەر جۇرگىزدى. ۇشىرار الدىندا ەكسپەريمەنتتەر جاڭا يوندىق قوزعالتقىش جاساۋ بويىنشا جۇمىستار اياسىندا جۇرگىزىلىپ جاتقانى حابارلانعان. الايدا ەگجەي- تەگجەيلى اقپارات قۇپيالاندىرىلدى.
وسى زەرتتەۋ اياسىندا X-37B ۇشاعىنىڭ وربيتاعا ءتورتىنشى ۇشىرىلىمى جۇزەگە اسىرىلدى، قازىرگى ساتتە بۇل ەڭ ۇزاق ۇشىرىلىم. وربيتالىق X-37 ۇشاعى 1999 -جىلى جاسالدى. ول عارىشتا جەرسەرىكتەردى جوندەۋ ءۇشىن پايدالانىلادى دەپ كۇتىلگەن. الايدا باعدارلاما امەريكالىق ا ا ك- كە بەرىلىپ، قۇپيالاندىرىلدى.
