اندرومەدا گالاكتيكاسىنداعى جارىق جۇلدىزعا ديماشتىڭ اتى بەرىلەتىن بولدى - فوتو
بۇل تۋرالى قىتايداعى «ديماشتىڭ اپكەلەرى» （@迪玛希姐姐站_DimashSister）اتتى فاناتتار توبى وزدەرىنىڭ ۆەيبو الەۋمەتتىك جەلىسىندەگى جەكە پاراقشالارىندا ءمالىم ەتتى.
مالىمەت بويىنشا، ولار امەريكانىڭ Name A Star Live جوباسى ارقىلى اندرومەداداعى ءبىر جۇلدىزدى ساتىپ الىپ، ونى ديماش قۇدايبەرگەن دەگەن اتپەن جۇلدىزدار كارتاسىنا ەنگىزىپتى. بۇدان بولەك ولار بۇل جۇلدىزدىڭ اتاۋىن Space Service INC (SSI) تىزىمىنە ەنگىزىپ ۇلگەرگەن.
بۇل ءتىزىم ماڭگى SSI- دىڭ عارىشتاعى مۇراعاتىندا ساقتالادى. فاناتتار توبى بۇل جۇلدىزدى توسىن سىي رەتىندە ديماشقا تارتۋ ەتپەكشى. 
«عالامداعى ەڭ جارىق جۇلدىز ءبىزدىڭ ەڭ سۇيىكتى ءانشىمىز ديماش ءۇشىن»، - دەپ جازادى قازاقستاندىق ونەرپازدىڭ قىتايداعى جانكۇيەرلەر. 
اندرومەدا شوقجۇلدىزى Ⅱ عاسىرداعى ايگىلى گرەك-ريم استرونومى پتولەمەي بەلگىلەگەن 48 شوقجۇلدىزدىڭ، قازىرگى انىقتالعان 88 شوقجۇلدىزدىڭ ءبىرى بولىپ سانالادى، ءبىز تۇراتىن قۇس جولى جۇيەسىنە ەڭ جاقىن ورنالاسقان الىپ جۇلدىزدىق جۇيە شوعىرى ەسەپتەلەدى. ول گرەك ميفولوگياسىنداعى ارۋ - اندرومەدانىڭ اتىمەن اتالادى.
اۆتور: مۇحتار مۇرات
