11:41, 03 - مامىر 2017 | GMT +5
وزبەكستان پرەزيدەنتى قازاق ازاماتىن لاۋازىمدى قىزمەتكە تاعايىندادى
استانا. قازاقپارات - تاشكەنت مەملەكەتتىك زاڭ ۋنيۆەرسيتەتىنىڭ رەكتورى ەسەمۇرات كانيازوۆ وزبەكستان ادىلەت ءمينيسترىنىڭ ورىنباسارى بولىپ تاعايىندالدى، دەپ حابارلايدى Baq.kz شەتەلدىك ب ا ق- قا سىلتەمە جاساپ.
وزبەكستان پرەزيدەنتىنىڭ 28- ساۋىردەگى قاۋلىسىمەن ەسەمۇرات كانيازوۆ ادىلەت ءمينيسترىنىڭ ورىنباسارى بولىپ تاعايىندالدى. ول، سونداي-اق تاشكەنت مەملەكەتتىك زاڭ ۋنيۆەرسيتەتىنىڭ رەكتورى قىزمەتىن قوسا اتقارادى.
ەسەمۇرات كانيازوۆ 1971-جىلى دۇنيەگە كەلگەن. ماسكەۋ مەملەكەتتىك اۆتوموبيل-جول ينستيتۋتى مەن قاراقالپاق مەملەكەتتىك ۋنيۆەرسيتەتىن ءتامامدادى. 2013-جىلدان بەرى تاشكەنت مەملەكەتتىك زاڭ ۋنيۆەرسيتەتىنىڭ رەكتورى قىزمەتىن اتقارادى.
بۇعان دەيىن، 2011-2013-جىلدارى ادىلەت ءمينيسترىنىڭ ءبىرىنشى ورىنباسارى بولىپ جۇمىس ىستەگەن. ادىلەت مينيسترلىگىنىڭ جۇيەسىندە 1996-جىلدان بەرى قىزمەت ەتەدى.
