ىسقىرىق تۋرالى قىزىقتى دەرەكتەر

ال ىسقىرىق اركەز جاقسى جاعىنان كورىنبەگەن. سەبەبى ىسقىراتىندار كوشەنىڭ جىگىتتەرى دەيتىن، بۇزىقتار دەگەن سىندى تۇسىنىك قالىپتاسىپ كەتكەن.

حالىق اراسىندا «ىسقىرما، اقشا بولماي قالادى» دەيتىن دە ۇعىم بار. دەگەنمەن قاراپايىم ىسقىرىقتىڭ ءوزى ءبىر ەرەكشەلىك ەكەنىن ايتا كەتۋ كەرەك.

ىسقىرىق جاڭبىر جاۋعان كۇنى جاقسى ەستىلىپ قانا قويماي، الىسقا جەتەتىن بولعان. ەگەۋقۇيرىقتار ءبىر-بىرىنە حاباردى جاڭبىرلى كۇنى سۋ استىندا ىسقىرۋ ارقىلى بەرەتىن بولعان.

سەبەبى جىرتقىش اڭدار ونى ەستىمەيدى. مۇسىلمان ەلدەرىندە جالپى ىسقىرىققا تىيىم سالىنعان.

ءدىني تۇسىنىك بويىنشا «ىسقىرىق» شايتاننىڭ ءانى دەپ قابىلدانعان. تەڭىز ساياحاتشىلارى دا ىسقىرۋدى جامان ىرىمعا بالاپ، تىيىم سالعان.

ەجەلگى سلاۆياندىقتاردا ىسقىرىق ۇلكەن مانگە يە بولعان. ولار ولگەن ادامدى ىسقىرۋ ارقىلى شىعارىپ سالعان.

ال شىعارىپ سالۋشىلار ىسقىرىقتىڭ ىرعاعىنا بيلەيتىن بولعان. گومەر ارالدارىندا ءومىر سۇرەتىن حالىق يسپان تىلىندە جانە جەرگىلىكتى ىسقىرىق تىلىندە سويلەسەتىن بولعان.

«ەستىمەگەن ەلدە كوپ» دەگەن وسى بولار. ىسقىرۋ ونەرى - ونەردىڭ ىشىندەگى كوپ كەزدەسە بەرمەيتىن جانر ءتۇرى.

ماسەلەن شتراۋس، شۋبەرتتەردىڭ كلاسسيكالىق اۋەندەرىن ورىنداعان كەزدە ارنايى ىسقىراتىن ونەرپازدار بولعان.

سولتۇستىك كاروليندەگى لۋيسبۋرگ قالاسىندا وتىز جىلدان بەرى ىسقىرۋ ونەرىنەن جارىس ءوتىپ كەلە جاتىر. ءتىپتى ونىڭ حالىقارالىق دارەجەدەگى اتاعى دا بار.

ال بۇل جارىسقا سوناۋ جاپون جانە اۆستراليا جەرىنەن قاتىسۋشىلار كەلەتىن بولعان. الەمدەگى داۋىسى جەر جاراتىن ىسقىرىقتى ساتىپ العىڭىز كەلە مە؟

ءيا، ىسقىرىقتىڭ دا قۇرالى بار. ول جاۋىپ تۇرعان جاڭبىردىڭ دىبىسىن، ۇشىپ بارا جاتقان ۇشاقتى، سوعىپ تۇرعان جەلدىڭ داۋىسىن وشىرە الادى.

ءبىر سوزبەن ايتقان كەزدە قۇلاق تۇنىپ قالادى. ال قازاق ىرىمىندا، ىسقىرۋ - مۇسىلمان ەلدەرىندەگىدەي جاقسىلىقتىڭ بەلگىسى ەمەس.

Massaget.kz