​امەريكانىڭ زەينەتاقى جۇيەسىندە جاڭا داعدارىس باستالعالى تۇر

استانا. قازاقپارات - كەز كەلگەن ەلدىڭ دامۋ دەڭگەيىنە قاراماستان زەينەتاقى جۇيەسىندە زور تۇيتكىلدەر بولۋى مۇمكىن. بۇل تىقىر الپاۋىت امەريكاعا دا تايانعان سياقتى.

 قازىر ەلدەگى زەينەتاقى قورلارى 1 ميلليونعا جۋىق جۇمىسكەردىڭ زەينەتاقىسىن تولەۋگە قاۋقارسىز حالدە تۇر. وڭتۇستىك كارولينا شتاتىنىڭ بۇرىنعى 550 مىڭ مەملەكەتتىك قىزمەتكەرى 24,1 ميلليارد دوللارىن جوعالتقان. ال زەينەتاقى قورلارى 100 مىڭعا جۋىق شاحتەرگە 6 ميلليارد دوللار قارىز.

بۇل ەل تۇرعىندارىنىڭ زەينەتاقىسىز قالادى دەگەن ءسوز ەمەس. دەسە دە الداعى ۋاقىتتا زەينەتكە شىققان جۇمىسكەرلەر ءتيىستى مولشەردەن تومەن زەينەتاقى الىپ قالۋى كادىك.

2015 -جىلعى ەسەپ بويىنشا 75 جاستان اسقان قارتتاردىڭ ورتاشا كىرىسى 34,097 دوللاردى قۇراعان. ال ورتاشا شىعىنى 34,382 دوللار.

 دەرەككوز: vestifinance.ru​