07:11, 28 - ناۋرىز 2017 | GMT +5
قىتايدا جاس جىگىتتىڭ دەنەسىن پويىز بەلدەن تومەن جانشىپ كەتتى
استانا. قازاقپارات - كەشە، 26 - ناۋرىزدا جەرگىلىكتى ۋاقىت بويىنشا شامامەن 15-00-دە قىتايدىڭ نانكين قالاسىندا وقىس وقيعا ورىن الدى.
ينتەرنەت ارقىلى تارالعان ۆيدەودا قىتايلىق جاس جىگىتتىڭ پويىز استىنا ءتۇسىپ قالعان قايعىلى ءساتى كورسەتىلگەن. ول پەرروننىڭ ەكىنشى جاعىنا سەكىرىپ وتپەك بولعان كەزىندە ۇلگەر الماي، پەررون جاقتاۋى مەن شۇعىل كەلىپ قالعان جولاۋشىلار پويىزىنىڭ اراسىندا قىستىرىلىپ قالعان. جوعارى جىلدامدىقپەن كەلە جاتقان پويىز ونى بەلدەن تومەن جانشىپ وتكەن. اۋىر جارالانعان ازاماتتى دارىگەرلەر اجالدان قۇتقارىپ قالا المادى.
اۆتور: مۇحتار مۇرات
