ديماش قۇدايبەرگەن قىتايداعى ماراپاتتاۋ شاراسىندا قىزىل كىلەممەن ءجۇرىپ ءوتتى

 استانا. قازاقپارات - قىتايدا ەرەكشە تانىمالدىلىققا يە بولعان قازاقستاندىق ءانشى ديماش قۇدايبەرگەن Shanghai Media Group كومپانياسى ۇيىمداستىرىپ وتىرعان 24-كەزەكتى «China Top music Awards» سىيلىعىن تابىس ەتۋ سالتاناتتى شاراسىنىڭ قىزىل كىلەمىمەن ءجۇرىپ ءوتتى، دەپ حابارلايدى قازاقپارات ءتىلشىسى.

ديماش بۇل شارادا «ازيانىڭ ەڭ تانىمال ءانشىسى» (Best Asia popular singer) نوميناتسياسىنا ۇسىنىلعانداردىڭ قاتارىندا. وسى كەشتە ديماش ءوزىن بارشا الەمگە تانىمال بولۋىنا سەبەپشى بولعان الەمدە ەڭ قيىن بەس ءاننىڭ ءبىرى سانالاتىن فران سۋزدىڭ «SOS d'un terrien en détresse» ءانىن شىرقايتىن بولادى.

 ايتا كەتەيىك، «China Top music Awards»  دارىندى ورىنداۋشىلاردى ماراپاتتايتىن شارا. ول قىتاي مۋزىكالىق قوعامداستىعىنداعى ەڭ ايتۋلى وقيعالاردىڭ ءبىرى سانالادى. سونىمەن قاتار وسى سىيلىقتى «قىتايلىق گرەممي» دەپ تە اتايدى.

 

 مۇحتار قاليموللا ۇلى