استانادا ناۋرىزدى قاي جەردە قىزىقتى تويلاۋعا بولادى
19 - ناۋرىزدان باستاپ 23 - ناۋرىزعا دەيىن، ياعني، ءالى ءۇش كۇن بويى مەرەكە جالعاسادى. وسى ورايدا، قالا تۇرعىندارى مەن قوناقتارىن وسى مەرەكە كۇندەرى شاھاردا بولاتىن مەرەكەلىك ءىس- شارالاردان قۇلاعدار ەتە كەتسەك.
قالا ورتالىعىندا تۇراتىن ازاماتتار ءۇشىن كەز كەلگەن ساۋدا ورتالىعىنا كىرسە دە مەرەكە سەزىلەدى. سوندىقتان، قالا ماڭىنداعى اۋداندار مەن اۋىل تۇرعىندارىنا مەرەكەلىك كوڭىل كۇي سىيلاۋ ءۇشىن 18 - ناۋرىزدان باستاپ 22 - ناۋرىزعا دەيىن «تەمىرجولشىلار» ، ء«وندىرىس» ، «ينتەرناتسيونالنىي» ، «كۇيگەنجار» ، «ميچۋرينو» ، «پريگورودني» ، «يلنيكا» ، «كوكتال-1» جانە «كوكتال-2» - دە مەرەكەلىك كوتسەرتتەر وتەدى.
بۇگىن «حان- شاتىر» ويىن- ساۋىق ورتالىعىنىڭ جانىندا 19 كيگىز ءۇي تىگىلىپ، ناعىز شىعىس بازارى باستالدى. تاڭعى ساعات 10.00 دە باستالعان شارا 23 ناۋرىزدىڭ كەشىنە دەيىن جالعاسادى.
21-22 - ناۋرىز كۇندەرى استانانىڭ الاڭىندا، اتاپ ايتساق، «قازاق ەلى» مونۋمەنتىندە، قالالىق اكىمدىك جانىنداعى ەسكى الاڭدا، «قازاقستان» سپورت كەشەنىنىڭ جانىنداعى ستۋدەنتتەر پاركىندە، "جاستار" تەاترىنىڭ ماڭىندا ناۋرىز تويلانىپ، كوجە تاراتىلادى.
ال، 22-23 - ناۋرىز كۇندەرى «استانا وپەرا» تەاترىنىڭ ارتىستەرى «قىز جىبەك» وپەراسىن ۇسىنادى.
سونىمەن قاتار، جۋىردا تەحنيكالىق تۇردە اشىلعان «MEGA Silk Way» ساۋدا ورتالىعى 23 - ناۋرىز كۇنى رەسمي اشىلادى. 22 - ناۋرىز كۇنى ساۋدا ورتالىعىنىڭ ىشىندە قولونەرشىلەر جارمەڭكەسى، ساداق اتۋ جارىسى، مەرەكەلىك كەرۋەن، اكروباتتار شوۋى وتپەك. ءبىراق، 22 - ناۋرىز كۇنى ساۋدا ورتالىعى ساعات 21.00-دە جۇمىسىن توقتاتىپ، 23 - ناۋرىز كۇنى كەشكى ساعات 18.00 گە دەيىن جابىق تۇرادى. 23 - ناۋرىز كۇنى ساعات 18.00 دە رەسمي تۇردە اشىلعان ساۋدا ورتالىعى ناۋرىز مەرەكەسىنە وراي تاعى دا كەرۋەن ۇيىمداستىرىپ، تەاترلاندىرىلعان «جىبەك جولى» قويىلىمىن ۇسىنىپ، قۇستار شوۋىن وتكىزبەك.
اۆتور: كەنجەكەي توقتامۇرات قىزى
