08:46, 18 - ناۋرىز 2017 | GMT +5
كانادا اسپانىندا ەكى ۇشاق سوقتىعىستى
استانا. قازاقپارات - كانادانىڭ مونرەال قالاسىندا سەن-برۋنو ساۋدا ءۇيىنىڭ توبەسىندە جەڭىل موتورلى ەكى Cessna 152 ۇشاعى سوقتىعىسىپ قالدى، دەپ حابارلادى روسبالت.
ەكى ۇشاقتا دا تەك قانا ۇشقىشتار بولعان، ولاردىڭ ءبىرى كوز جۇمىپ، ەكىنشىسى ءتۇرلى جاراقاتپەن اۋرۋحاناعا جاتقىزىلدى.
جەردە بولعان تاعى ەكى ادام زارداپ شەكتى. سوقتىعىسۋ سالدارىنان ۇشاقتاردىڭ ءبىرى ساۋدا ءۇيىنىڭ شاتىرىنا، ەكىنشىسى - جاقىن ماڭداعى كولىك تۇراعىنا قۇلادى. جولاۋشىلار مەن ساۋدا ءۇيىنىڭ قىزمەتكەرلەرى ەۆاكۋاتسيالاندى، اپات ورنىندا توتەنشە قىزمەت جۇمىس ىستەپ جاتىر.
وقيعا كۋاگەرلەرى سوقتىعىس كەزىندە قاتتى جارىلىس بولعانىن ايتۋدا. ەكى ۇشاقتىڭ سوقتىعىسۋ سەبەپتەرى ءالى انىقتالمادى، الايدا اۋا رايى جايىنىڭ جايلى بولعانى انىق.
كۆەبەك قوعامدىق قاۋىپسىزدىك ءمينيسترى قازا تاپقان ۇشقىشتىڭ وتباسىنا قايعىرا كوڭىل ايتتى.
