ەرلان قوشانوۆ قاراعاندى وبلىسىنىڭ اكىمى بولىپ تاعايىندالدى

استانا. قازاقپارات - ق ر پرەزيدەنتى نۇرسۇلتان نازاربايەۆ ەرلان قوشانوۆتى قاراعاندى وبلىسىنىڭ اكىمى قىزمەتىنە تاعايىندادى. بۇل تۋرالى اقوردانىڭ تۋيتتەردەگى پاراقشاسىندا حابارلاندى.

 ءماسليحاتتىڭ كەزەكتەن تىس سەسسياسىندا دەپۋتاتتار باسىم داۋىسپەن ەرلان قوشانوۆتىڭ كانديداتۋراسىن قولدادى. جاڭا ءوڭىر باسشىسى بۇگىنگى جيىندا اكتيۆكە تانىستىرىلدى.

ەرلان جاقان ۇلى 1962 -جىلى جەزقازعان وبلىسىنداعى شەت اۋدانىنىڭ اقسۋ- ايۋلى اۋىلىندا تۋعان. قاراعاندى پوليتەحنيكالىق ينستيتۋتىنىڭ جەزقازعان فيليالىن (1984) ، ك س ر و سىرتقى ساۋدا اكادەمياسى جانىنداعى جوعارى كوممەرتسيالىق مەكتەپتى (1991) جانە قازاق مەملەكەتتىك باسقارۋ اكادەمياسىن (1999) بىتىرگەن، ماماندىعى بويىنشا - ينجەنەر مەحانيك جانە ەكونوميست.

 ەڭبەك جولىن «جەزقازعان ءتۇستى مەتالل» عءو ب بايىتۋ فابريكاسىنىڭ سلەسارى، شەبەرى (1986-1988) بولىپ باستادى. ق ل ك ج و جەزقازعان وبلىستىق كوميتەتىنىڭ نۇسقاۋشىسى، ءبولىم مەڭگەرۋشىسى (1988-1990)، جەزقازعان وبلىستىق سىرتقى- ەكونوميكالىق بايلانىس كوميتەتىنىڭ جەتەكشى، باس مامانى، ءبولىم باستىعى، ءتوراعانىڭ ورىنباسارى، ءتوراعاسى بولدى (1990-1995)، قازاقستان رەسپۋبليكاسى پارلامەنتىندەگى ق ر ۇكىمەتىنىڭ وكىلى (1999-2003)، ق ر پرەمەر- ءمينيسترى كەڭسەسى باسشىسىنىڭ ورىنباسارى (2001-2003) ، ق ر كولىك جانە كوممۋنيكاتسيا ۆيتسە- ءمينيسترى (2003-2006)، ق ر كولىك جانە كوممۋنيكاتسيا مينيسترلىگىنىڭ ازاماتتىق اۆياتسيا كوميتەتىنىڭ ءتوراعاسى (2006-2007)، ق ر پرەمەر- ءمينيسترىنىڭ كەڭسەسى باسشىسىنىڭ ورىنباسارى - ۇكىمەتتىڭ پارلامەنت ماجىلىسىندەگى وكىلى (2007 -جىلدان باستاپ) بولدى. سونداي- اق «قازاقستاننىڭ ينۆەستيتسيالىق قورى» ا ق ديرەكتورلار كەڭەسىنىڭ مۇشەسى (2004 ج ج. باستاپ)، «استانا حالىقارالىق اۋەجايى» ا ق ديرەكتورلار كەڭەسىنىڭ ءتوراعاسى (2005 -جىلدان). ق ر پارلامەنتى سەناتىنىڭ دەپۋتاتى (1995-1999) بولىپ سايلاندى. بەسىنشى شاقىرىلعان ق ر پارلامەنتى ءماجىلىسى دەپۋتاتتىعىنا «نۇر وتان» ح د پ پارتيالىق ءتىزىمى بويىنشا كانديدات (07.12.2011) بولدى. «نۇر وتان» حالىقتىق- دەموكراتيالىق پارتياسىنىڭ مۇشەسى. 2012 -جىلدىڭ اقپانىنان بەرى ق ر پرەمەر- ءمينيسترى كەڭسەسىنىڭ باسشىسى بولدى.

***

مەملەكەت باسشىسىنىڭ جارلىعىمەن نۇرمۇحامبەت ابدىبەكوۆ رەسپۋبليكالىق بيۋدجەتتىڭ اتقارىلۋىن باقىلاۋ جونىندەگى ەسەپ كوميتەتىنىڭ ءتوراعاسى بولىپ تاعايىندالدى. بۇل تاعايىنداۋعا دەيىن نۇرمۇحامبەت ابدىبەكوۆ قاراعاندى وبلىسىنىڭ اكىمى بولعان ەدى.