وڭتۇستىك افريكا تۇرعىنى اتلانت مۇحيتىن تاقتايشامەن ءجۇزىپ ءوتتى - كەسكىن
بەرتيش بۇل ساپارىن 93 كۇن بۇرىن ماروككونىڭ اگادير قالاسىنان باستادى. كەشە، بەيسەنبى كۇنى كاريب تەڭىزىندەگى انتيگۋا ارالىنا جەرگىلىكتى ۋاقىتپەن 8:32 دە جەتتى.
قىرىق ەكى جاستاعى ەر ادام ساپارلاعان التى مەترلىك تاقتايشاسىن 120 مىڭ دوللارعا ساتىپ العان. ونى بريتاندىق قايىق جاساۋشى فيل موريسسون ارنايى بەرتيش ءۇشىن التى اي بويى جاساعان.
تاقتايدىڭ الدىڭعى بولىگىندە بەرتيش ۇيىقتاعان كىشىگىرىم كايۋتا بار. وندا ساپارعا قاجەتتى قۇرال- جابدىقتار، GPS جۇيەلەرى، راديو، اۆتوپيلوت، سپۋتنيكتىك تەلەفون، كۇن پانەلدەرى جانە سۋ قورى ساقتالعان. ساپار بارىسىندا ول «اكۋلالارمەن، داۋىلدارمەن جانە جالعىزدىقپەن بەتپە-بەت كەلدى»، - دەپ جازدى The Guardian.
جالپى ەسەپپەن وڭتۇستىك افريكالىق ساياحاتشى كۇنىنە 69 شاقىرىم ءجۇزىپ وتىرعان. سوڭعى كۇنى بارىنشا تىرىسىپ، 96,5 شاقىرىمدى ەڭسەرگەن.
