كوكونىس، الما، قۇلپىناي مەن ءجۇزىم قۇرامىندا پەستيتسيدتەر كوپ

 استانا. قازاقپارات - پەستيتسيدتەر(زيانكەستەردەن، پارازيتتەردەن، ارامشوپتەردەن، اۋرۋلاردان جانە ميكروورگانيزمدەردەن قورعاۋ ءۇشىن قولداناتىن بارلىق حيميالىق قوسىلىستار) تەك كولورادا قوڭىزى مەن باسقا دا زيانكەستەرگە عانا ەمەس، سونداي-اق بال ارالارىنا دا قاۋىپتى.

سونىڭ سالدارىنان جىلىنا 200 مىڭ ادام ومىرمەن قوشتاسادى. وسى زاتتاردىڭ حيميالىق جانە بيولوگيالىق قۇراۋشىسى فەرمەرلەردىڭ اعزاسىندا، سۋدا، توپىراقتا جينالىپ، ءتىپتى ازىق- تۇلىك تۇرىندە داستارحانىمىزعا كەلەدى. كوكونىستەردە، جەمىستەر مەن دامدەۋىش شوپتەردىڭ قۇرامىندا پەستيتسيدتەر كوپ. ب ۇ ۇ- نىڭ ادام قۇقىقتارى جونىندەگى كەڭەسىنىڭ بايانداماسىندا وسى ماسەلە تۋرالى تاماق تانۋ قۇقىعى ماسەلەلەرىنىڭ ارنايى بايانداماشىسى حيلال ەلۆەر مەن توكسيندىك قالدىقتار ماسەلەلەرى بويىنشا ارنايى بايانداماشىسى باسكۋت تۋندجاك ءمالىم ەتتى. بۇۇ ساراپشىلارى مەملەكەتتەردىڭ ءقاۋىپتى تىڭايىتقىشتاردى قاتاڭ باقىلاۋعا الۋ بويىنشا جاڭا كەلىسىمدەردى جاساپ، ولاردى اۋىلشارۋاشىلىق سالاسىندا قولدانۋدان بىرتىندەپ باس تارتۋعا شاقىردى. قۇقىق قورعاۋشىلار اتاپ وتكەندەي، سوڭعى جىلدارى پەستيتسيدتەردى اۋىلشارۋاشىلىق ونىمدەرىن جاندىكتەردەن، ارامشوپتەردەن جانە باسقا دا زيانكەستەردەن قورعاۋ ماقساتىندا قولدانۋ ارتىپ كەلەدى. بۇل ءۇردىس قورشاعان ورتا مەن تۇرعىنداردىڭ دەنساۋلىعىنا كەرى اسەرىن تيگىزۋدە. بۇۇ ساراپشىلارىنىڭ بايانداماسىندا تىڭايىتقىشتاردىڭ قالدىقتارى قورشاعان ورتاعا، ءتىپتى ازىق- تۇلىكتەردە جينالىپ قالاتىندىعى اتالىپ ءوتىلدى. ولاردىڭ ەڭ كوپ مولشەرى كوكونىستەردە، دامدەۋىش شوپتەردە جانە الما، قۇلپىناي جانە ءجۇزىم سەكىلدى جەمىستەردە كەزدەسەدى.

ساراپشىلار پەستيتسيدتەردىڭ وبىر، التسگەيمەر جانە پاركينسون اۋرۋلارىنا شالدىعۋعا اكەپ سوقتىراتىنىن ەسكەرتۋدە. پەستيتسيد اۋىز سۋدا دا جينالادى ەكەن. مىسالى، ا ق ش- تا جىل سايىن 70 ميلليون فۋنت اترازين اۋىز سۋدا قولدانىلادى. سونىڭ سالدارىنان تۋا بىتكەن اقاۋمەن اۋىراتىن ناۋقاستار سانى كوبەيگەن. ەۋروپالىق وداق ەلدەرىندە ءاترازيندى قولدانۋعا 2004 -جىلى تىيىم سالىنعان، الايدا ءبىرقاتار ەلدەردىڭ جەر استى سۋلارىنىڭ قۇرامىندا اترازين كەزدەسىپ جاتادى.