ەكسپو ۇيىمداستىرۋشىلارى سالىنعان نىسانداردىڭ قاۋىپسىز ەكەنىن ايتتى
«استانا ەكسپو-2017» جۇرتشىلىقپەن بايلانىس دەپارتامەنتىنىڭ ديرەكتورى سەرگەي كۋيانوۆ كورمە كەشەنىنىڭ اۋماعىندا كونسترۋكسيانىڭ بۇزىلۋ سەبەبىن تەرگەۋ كوميسسياسىنىڭ قورىتىندىسىنا سەنبەۋگە نەگىز جوق ەكەنىن مالىمدەدى.
«كوميسسيا قۇرىلدى. قازاقستاننىڭ ەڭ بەدەلدى ۇيىمدارىنان جەتەكشى ماماندار شاقىرتىلدى. بۇل الماتىلىق «قازاق قۇرىلىس جانە ساۋلەت عىلىمي- زەرتتەۋ جانە جوبالاۋ ينستيتۋتى» مەن قاراعاندىلىق «قازاقستان قايتا جاڭارتۋ جانە دامۋ كوپ بەيىندى ينستيتۋتى». بىزدە كوميسسيا قورىتىندىسىنا كۇمانداناتىنداي ەش سەبەپ جوق»، - دەپ حابارلادى ول.
ەسكە سالساق، كومپانيا كونسترۋكسيا جوبالاۋدان قاتە كەتكەننەن قۇلاعانىن مالىمدەدى. ءى ءى م تەرگەۋ جۇرگىزۋدە. تاياۋ كۇندەرى ق ر ىشكى ىستەر ءمينيسترى قالمۇحانبەت قاسىموۆ جۋرناليستەرگە كونسترۋكسيانىڭ قۇلاعان سەبەبى دانەكەرلەۋ جۇمىستارىن دۇرىس جۇرگىزبەگەننەن بولعانىن حابارلادى. كۋيانوۆ ۇلتتىق كومپانيا بۇل وقيعادان شىعىنعا ۇشىراماعانىن تاعى ەسكەرتتى.
«بۇل وقيعاعا كىنالىلەر تابىلسا دا، قانداي جاعداي بولسا دا، كەز كەلگەن جاعدايدا مەردىگەر، ياعني BI Group ءوزىنىڭ كەلىسىمشارتتىق مىندەتتەمەلەرى بويىنشا بىزگە قاۋىپسىزدىك تالاپتارىنا تولىقتاي سايكەس كەلەتىن نىساندى تاپسىرۋعا مىندەتتى. وسى وقيعادان كەيىن بارلىق كونسترۋكسيالاردىڭ بەرىكتىگى بويىنشا قوسىمشا شارالار قابىلدانعانىن ەسكە سالعىم كەلەدى. بۇگىندە بىزدە كەشەننىڭ قاۋىپسىزدىگىنە كۇمان كەلتىرەتىن ەش سەبەپ جوق»، - دەپ قوستى ول.
