بۇكىل الەمدىك دەنساۋلىق ساقتاۋ ۇيىمى كۇيزەلىسكە ۇشىراعانداردىڭ كۇرت ارتۋىنا الاڭداۋلى
بۇل پسيحيكانىڭ بۇزىلۋى ادامدى دۇرىس جۇمىس ىستەۋ مۇمكىندىگىنەن ايىرادى جانە ولىمگە يتەرمەلەيدى، دەپ حابارلايدى un.org.
بۇكىل الەمدىك دەنساۋلىق ساقتاۋ ۇيىمى ناۋقاستار سانىنىڭ ارتىپ كەلە جاتقانىنا الاڭداۋشىلىق ءبىلدىردى. 2005 -جىلدان 2015 -جىلعا دەيىن الەمدە دەپرەسسيا وقيعاسى 18 پايىزعا كوبەيگەن. كۇيزەلىسكە شالدىققاندار الەمنىڭ بارلىق ايماعىنا تارالعان. بەلارۋس حالقىنىڭ - 5,6 پايىزى جانە ۋكرايناداعى تۇرعىننىڭ - 6,3 پايىزى دەپرەسسيامەن اۋىرادى.
الايدا بۇل تەك رەسمي دەرەكتەر. دەپرەسسياعا اكەپ سوعاتىن ستيگماتيزاتسيادان ادامدار ناۋقاس سىرقاتتارىن مويىندامايدى جانە ەمدەلۋگە تىرىسپايدى. دەپرەسسيا وزگەلەردەن كوڭىل- كۇيدىڭ اۋىتقۋشىلىعىمەن ەرەكشەلەنەدى. ادام ەكى اپتا نەمەسە ودان دا ۇزاققا سوزىلاتىن اۋىر مۇڭ جەتەگىندە جۇرەدى، ول جۇمىستا، وقۋدا نەمەسە ۇيدەگى جۇمىس ىستەۋ قابىلەتىنە ىقپال ەتەدى. پسيحوالەۋمەتتىك كومەك پەن ءدارى-دارمەك - ەمدەلۋدىڭ ءتيىمدى جولدارى بولىپ تابىلادى. ەمدەلۋدىڭ ەڭ العاشقى قادامى - دەپرەسسيانىڭ بار ەكەنىن مويىنداپ، كومەككە جۇگىنۋ. دارىگەرلەر كۇيزەلىستىڭ الەۋمەتتىك، پسيحولوگيالىق جانە بيولوگيالىق فاكتورلاردىڭ ءوزارا اسەرىنەن تۋىندايتىنىن اتاپ وتۋدە.
بوسانعان ايەلدەردىڭ 20 پايىزى بوسانۋدان كەيىنگى دەپرەسسياعا ۇشىرايدى. ودان بولەك، ەكونوميكالىق داعدارىس، جۇمىسسىزدىق، اپاتتى جايتتار مەن شيەلەنىس فاكتورلارى دا حالىق اراسىنداعى دەپرەسسيانىڭ كوبەيۋىنە اكەپ سوعادى.
