قىتايلىق تۋريستەر ەكسپوعا ديماش قۇدايبەرگەن ءۇشىن دە كەلەدى
مارات يعاليدىڭ ايتۋىنشا، بۇگىنگى تاڭدا قىتايلىق تۋريستىك كومپانيالار سايتتارىندا قىتايداعى «Singer» جوباسىنا قاتىسقان ءانشى ديماش قۇدايبەرگەننىڭ فوتولارىن جاريالاعان. وسىلايشا، ولار ەكسپو- عا تۋريستەر تارتپاق.
«قىتايلىق تۋرفيرمالار ديماشتىڭ فوتولارى مەن تۋرتوپتامالاردى ساتىپ جاتىر. ديماشتىڭ جەتىستىگى قازاقستان يمميدجىنە پايدا بەردى، بۇل ۇلگىلى ءىس. ءيا، شىندىعىندا، ديماش قازاقستان تۋريزمىنىڭ وزىندىك بەينەسىنە اينالىپ ۇلگەردى. قىتايلاردىڭ توپتالىپ كەلگەنى جاقسى، ولار بىزگە اقشا اكەلەدى. بارلىعى ديماشتىڭ ەكسپو- دا ونەر كورسەتۋىن كۇتەدى. قىتايدا ونىڭ تانىمالدىلىعى ارتىپ، شوۋداعى كەزەڭ سايىن الەۋمەتتىك جەلىسىندە تىركەلۋشىلەر سانى ارتىپ بارادى. قىتايلىقتار ءۇشىن جاي عانا قازاقستانعا بارۋ ەمەس، ديماش تۇراتىن ەلگە بارۋ قىزىق بولىپ تۇر» ، - دەدى ول.
بۇعان دەيىن حابارلانعانداي، ديماش قۇدايبەرگەن «Singer» بايقاۋىنىڭ 6-تۋرىندا جەڭىمپاز اتاندى. ول لارا فابياننىڭ «Adagio» ءانىن ورىندادى.
اۆتور: ارمان اسقاروۆ
