ەكسپو كەزىندە قازاقستاندىق ەڭ مىقتى بوكسشىلاردىڭ باسىن قوسامىز - مۇحامەدي ۇلى
«قازىر ءبىز كەلىسسوز جۇرگىزىپ جاتىرمىز. گەننادي گولوۆكينمەن EXPO وكىلدەرى، ال قانات يسلاممەن مادەنيەت جانە سپورت مينيسترلىگىنىڭ وكىلدەرى كەلىسىپ جاتىر. ءبىز ۇزدىك بوكسشىلارىمىزدى جيناۋعا تىرىسامىز»، - دەدى مۇحامەدي ۇلى.
سونىمەن قاتار، ونىڭ ايتۋىنشا، مينيسترلىك وكىلدەرى قانات يسلامنىڭ پروموۋتەرىمەن كەزدەسىپتى. «قازىر ول بوكسشىنىڭ كىممەن جۇدىرىقتاساتىنىن انىقتاپ جاتىر جانە الەمدىك فەدەراتسيامەن كەلىسسوز جۇرگىزىپ جاتىر. مالىمەت بولسا، دەرەۋ حابارلايمىن»، - دەيدى مينيستر.
سونداي- اق، مينيستر بوكس كەشىندە قانشا جەكپە- جەك وتەتىنىن ايتتى.
«بۇل ىسپەن پروموۋتەرلەر اينالىسادى. ءبىراق ءبىز ەڭ مىقتى قازاقستاندىقتاردى جيناۋعا تىرىسامىز. بوكسشىلاردىڭ ءوزى دايىن، ءبىراق ولارعا لايىقتى قارسىلاس تاڭداۋ قيىن. سەبەبى جەكپە- جەكتەر وتە قىزىق بولادى. ايتا كەتەيىك، ءبىزدىڭ بوكسشىلار قارجى الماي جۇدىرىقتاسۋعا دايىن. بوكس كەشىنىڭ قايدا وتەتىنىن ءالى قاراستىرامىز. «استانا- ارەنا» بار، ۆەلوترەك بار، وندا 10 مىڭ ادامعا ورىن بار. وسى ەكى نىساننىڭ بىرىندە وتەدى»، - دەدى مينيستر.
ەسكە سالايىق، وسىعان دەيىن 10 - ماۋسىمدا EXPO-2017 اياسىندا WBA (Super) ، IBO، WBC جانە IBF تۇجىرىمدارى بويىنشا الەم چەمپيونى قازاقستاندىق بوكسشى گەنناديي گولوۆكين (36-0, 33 ك و) مەن WBO بويىنشا بەلبەۋ يەگەرى، اعىلشىن بوكسشىسى بيللي دجو سوندەرس (24-0, 12 كو) كەزدەسەدى دەگەن اقپارات تاراعان ەدى. EXPO باسپا ءسوز قىزمەتىندەگىلەر كەلىسسوزدەردىڭ جۇرگىزىلىپ جاتقانىن مالىمدەگەن.
