جامبىل وبلىسىندا قانت قىزىلشاسىن ەگۋ ەكى ەسەگە ۇلعايتادى
وتكەن جىلى قىزىلشا شارۋاشىلىعىندا كوپ جىلدان بەرى العاش رەت ءونىمدى بولدى. ورتاشا ونىمدىلىك گەكتارىنان 251,1 تسەنتنەردى قۇرادى.
تامشىلاتىپ جانە جاڭبىرلاتىپ سۋارتۋ تەحنولوگياسىن قولدانىپ، شارۋا قوجالىقتارى جوعارى ونىمدىلىككە قول جەتكىزدى (گەكتاردان 700 تسەنتنەرگە دەيىن). 2016-جىلى بارلىعى 5,5 تىڭ گەكتاردان استام قىزىلشا ەگىلدى، جالپى جيىن 138 مىڭ توننادان استامدى قۇرادى.
جامبىل وبلىسىداعى قانت وڭدەۋ زاۋىتىنا 101 مىڭ تونناسى تاپسىرىلدى. اكىمدىكتە اتاپ وتكەندەي، 2016-جىلى قىزىلشا شارۋاشىلىعىنا بيۋدجەتتەن 420 ميلليون تەڭگە ءبولىندى، ونىڭ 220 ميلليونى «اۆانتاج» گيبريدتى سۇرىپتى قانت قىزىلشاسىنىڭ فرانسۋزدىق تۇقىمىن ساتىپ الۋعا جۇمسالدى، 200 ميلليونى ەگىستىكتى وڭدەۋگە 38 بىرلىك تەحنيكا ساتىپ الۋعا كەتتى.
داقىلداردى سۋبسيديالاۋعا، قورعالعان توپىراقتا داقىلداردى ءوسىرۋ، باسقا دا تاۋارلىق- ماتەريالدىق قۇندىلىقتار شىعىستارى باعدارلاماسى بويىنشا 359 ميلليون تەڭگە سۋبسيديا ءبولىندى. بۇدان باسقا، تاۋار وندىرۋشىلەردىڭ تۇقىم ساتىپ الۋ ءۇشىن جۇمساعان 93 ميلليون تەڭگە - 70 پايىز شىعىستىڭ ورنى تولتىرىلدى. بيىل جامبىل اگرارشىلارى 10 مىڭ گا قىزىلشا ەگۋدى جوسپارلاۋدا.