الەم مويىنداعان قازاقتار
مەملەكەت رەتىندە، ەل جانە ۇلت رەتىندە بۇكىل الەمگە تانىلىپ كەلە جاتىر. وعان ەلىمىزدە ءوتىپ جاتقان ۋنيۆەرسيادا ويىندارى مەن الدا بولاتىن حالىقارالىق ەكسپو كورمەسى كۋا. تەك مەملەكەتتىك دەڭگەيدە ەمەس، جەكە تۇلعا رەتىندە دە ونەر الەمىندە، سپورت دوداسىندا جۇرگەن جاندار دا ءوز ۇلەسىن قوسىپ كەلەدى. سونىمەن ەلدىڭ اتىن الەمگە مويىنداتقان قازاقتار كىمدەر؟
تيمۋر بەكمامبەتوۆ قازاق ەلىنىڭ تۋماسى. قازاقستاندىق كينورەجيسسەر، پروديۋسەر، حالىقارالىق دارەجەدەگى «استانا» ەكشن- فيلمدەر كينوفەستيۆالىنىڭ پرەزيدەنتى جانە نەگىزىن قالاۋشى. بۇگىندە تيمۋر بەكمامبەتوۆتىڭ اتى گولليۆۋدتىق كينورەجيسسەرلەردىڭ قاتارىندا تۇر. ت. بەكمامبەتوۆتىڭ رەجيسسەرلىگىمەن تۇسىرىلگەن جانە پروديۋسەرلىك قىزمەتتەرىن قوسا اتقارعان فيلمدەرى: "پەشاۆارسكي ۆالس" "گلادياتريكس" "نوچنوي دوزور" "يرونيا سۋدبى. پرودولجەنيە" "وسوبو وپاسەن "پرەزيدەنت لينكولن: وحوتنيك نا ۆامپيروۆ" "يگرا ۆ پراۆدۋ" "ۋبرات يز درۋزەي" "بەن- گۋر"
مايرا مۇحامەد قىزى الەمدىك ساحنادا «Maira Kerey» ەسىمىمەن تانىمال قازاق ەلىنىڭ تۋماسى، وپەرا ءانشىسى (سوپرانو) ق ر- نىڭ ەڭبەك سىڭىرگەن ءارتىسى. ونىڭ ەڭ ۇلكەن اتاعى - پاريجدەگى «گراند وپەرادا» قازاق ەلىنىڭ اتىنان ونەر كورسەتكەن تۇڭعىش ءارى قازىرگە دەيىن جالعىز وپەرا ءانشىسى. مايرانىڭ اتىن الىس- جاقىن شەتەل تانيدى. اتاپ ايتساق ەۋروپا مەن ا ق ش ونىڭ وپەرا ورىنداۋداعى شەبەرلىگىنە ءتانتى.
اسقار جۇمادىلدايەۆ قازاقستاندىق ماتەماتيك، عالىم جانە قوعام قايرەتكەرى. فيزيكا- ماتەماتيكا عىلىمدارىنىڭ دوكتورى. اسقار جۇمادىلدايەۆتىڭ اتاعىن كوپتەگەن شەت ەلدەرى بىلەدى. سەبەبى ونىڭ «تورتقارا جانە تورتكەن الگەبرالارى» اتتى ەڭبەگى الەم عالىمدارىن تاڭ قالدىرعان. ەۋروپا، ا ق ش ۋنيۆەرسيتەتتەرىنەن شاقىرتۋلار الىپ، ءتۇرلى دەڭگەيدەگى بايقاۋلارعا قاتىسقان، قازاق ەلىندەگى بىردەن- ءبىر ەسەپكە جۇيرىك ازامات.
ءادىل ورالبەك ۇلى قازاقستاندىق رەپەر، بۇگىندە ۇلكەن اۋديتورياسى بار، رەسەي جەرىندە ونەر كورسەتىپ جۇرگەن، رەپ الەمىندەگى اتى - «سكريپتونيت» . كوپتەگەن البومداردىڭ اۆتورى. قازاقستاندىق رەپەردى بۇكىل ت م د، رەسەي، ا ق ش پەن ەۋروپانىڭ رەپ وكىلدەرى تانيدى ءارى ونىڭ ونەرىن مويىندايدى.
ءسابينا التىنبەكوۆا قازاقستاندىق ۆولەيبول سپورتىنىڭ شەبەرى، ءوزىنىڭ كەلبەتىمەن شىعىس ەلىنە تانىمال بولىپ ۇلگەرگەن قىز. تانىمالدىققا جەتۋىنە سەبەپ - قازاق قىزىنا ءتان سۇلۋلىعى. ءوزىنىڭ سۇلۋ كەلبەتىمەن جانە وزىنە ءتان ەركە قىلىعىمەن بۇكىل شىعىس ەلىن اۋىزىنا قاراتقان سابينا قازىر سول ەلدە ءوزىنىڭ سپورت سالاسى بويىنشا جاتتىعۋ جاساپ ءجۇر.
زارينا دياس تەننيس سپورت ءتۇرىنىڭ كاسىبي دەڭگەيىنە جەتكەن، الەمدىك دودادا توپ جارىپ جۇرگەن، ۇزدىك سپورتشىلار قاتارىنا كىرەتىن زارينا قازاق ەلىنىڭ تۋماسى. ITF تۋرنيرىنىڭ بەسىنشى كەزەكتەگى جەڭىمپازى. الەمدىك سپورت دوداسىنداعى اتاعىمەن تانىمال قازاق قىزى - ەل ماقتانىشى.
ديماش قۇدايبەرگەن «ديماشي» دەپ قىتايلار اتاپ كەتكەن قازاق ەلىنىڭ بالاسى، ءانشى، بۇكىل الەمدى اۋىزىنا قاراتقان ديماش قۇدايبەرگەن. وسى ۋاقىتقا دەيىن «سلاۆيان بازارى» بايقاۋىن جەڭىپ ەۋروپانى شۋلاتىپ، ەندى قىتايدا ءوتىپ جاتقان «مەن ءانشىمىن» باعدارلاماسىنا قاتىسىپ، قازىرگى كەزدە ءبىرىنشى ورىندا كەلە جاتقان جاس ءانشىنىڭ داۋىسىن بۇكىل ەل تانىدى. لارا فابياننىڭ وزىمەن كەزدەسۋگە مۇمكىندىك العان جاس تالانتتىڭ باعىن اشقان - ونىڭ داۋىسى. گولليۆۋد جۇلدىزى، قىتايدىڭ ەڭ ۇلى اكتەرى - دجەكي چانمەن كەزدەسۋى دە ديماشتىڭ ونەرىنىڭ ارقاسى.
«مەن قازاقپىن» دەگەن: گەننادي گولوۆكين بۇكىل الەمدىك بوكس سپورتىندا «GGG» اتىمەن بەلگىلى گەنناديي گولوۆكين قازاق ەلىنەن شىققان سپورتشى. قازىرگى تاڭدا الەمدەگى ەڭ ۇزدىك بوكسشىلاردىڭ بەستىگىنە كىرەتىن بىلعارى قولعاپ شەبەرى ارقىلى بۇكىل الەم قازاقستاندى تانىپ وتىر. جەڭىستەرىن كورۋ ءۇشىن تاڭدى- تاڭعا جالعاپ تاقىم قىسىپ وتىراتىن ەلدىڭ ءۇمىتىن اقتاپ كەلە جاتقان گ. گولوۆكين الدا بولاتىن جەكپە- جەككە دايىندىق ۇستىندە. قارسىلاسى - دجەيكوبس.
Massaget.kz
