پالەستينالىق شاشتارازشى كليەنتتەردىڭ شاشتارىن وتپەن ساندەگەن - فوتو

استانا. قازاقپارات - گازا سەكتورىنىڭ اۋماعىندا ورنالاسقان پالەستينالىق ءسان سالونىنىڭ يەسى كليەنتتەردىڭ شاش ۇلگىلەرىن وتتى قولدانا وتىرىپ ساندەگەن.

بۇل تۋرالى UPI جازدى. باسىلىمنىڭ اقپاراتى بويىنشا، 37 جاستاعى رامادان ەدۆان (Ramadan Edwan) ەلەكتر اقاۋىنىڭ سالدارىنان شاش كەپتىرگىشتىڭ ورنىنا وتتى قولدانادى. ونىڭ شاشتارازى مىسىرمەن شەكارالاس جەردە، بوسقىندارعا ارنالعان رافاح لاگەرىنىڭ اۋماعىندا ورنالاسقان. اتاپ وتىلگەندەي، ەدۆان كەلۋشىلەردىڭ شاشتارىن وڭاي جانعىش ۇنتاقپەن نەمەسە سۇيىقتىقپەن جۋىپ، وتتىڭ كومەگىمەن ساندەيدى. ەدۆالدىڭ قولداناتىن وسىنداي ءتاسىلى كوپشىلىكتىڭ سۇرانىسىن تۋدىردى. UPI- دىڭ دەرەگى بويىنشا، وعان ءۇندىستاننان بەلگىسىز شەبەر كەلگەن. سونداي-اق، يسپاندىق البەرتو ولمەدو (Alberto Olmedo) دا قىزىعۋشىلىق تانىتقان.