استاناعا سيريادا اتىستى توقتاتۋعا كەپىل بولاتىن ەلدەردىڭ دەلەگاتتارى كەلدى
بۇل تۋرالى قازاقپارات تىلشىسىنە كەلىسسوزدەردى ۇيىمداستىرۋشىلارعا جاقىن جۇرگەن اقپارات بەرۋشى ءمالىم ەتتى.
«استاناعا الداعى كەزدەسۋگە قاتىسۋشى ەلدەردىڭ دەلەگاتسيالارى كەلدى. بۇگىن ولار كونسۋلتاتسيا جۇرگىزەدى. ال ەرتەڭ سيريالىق رەتتەۋ بويىنشا حالىقارالىق تەحنيكالىق كەزدەسۋ وتكىزىلەدى»، - دەدى اقپار بەرۋشى.
ەسكە سالا كەتسەك، بۇعان دەيىن قازاقستاننىڭ سىرتقى ىستەر مينيسترلىگى باسپا ءسوز قىزمەتىنىڭ باسشىسى ءانۋار جايناقوۆ قازاقپارات ءتىلشىسىنىڭ سۇراعىنا جاۋاپ بەرە وتىرىپ، استانادا كەزەكتى سيريا بويىنشا كەزدەسۋ وتكىزىلۋىنە تۇسىنىك بەردى. ونىڭ ايتۋىنشا، قازاقستاندىق س ءى م - گە 6- اقپاندا استانادا رەسەي، تۇركيا، يران دەلەگاتسيالارىنىڭ جانە ب ۇ ۇ وكىلىنىڭ قاتىسۋىمەن سيريالىق رەتتەۋ بويىنشا حالىقارالىق تەحنيكالىق كەزدەسۋ وتكىزۋ جونىندە ءوتىنىش كەلىپ تۇسكەن.
ايتا كەتەرلىگى، اتىستى توقتاتا تۇرۋ جونىندەگى رەجىمدى ساقتاۋدى باقىلاۋ بويىنشا تەتىكتەردى قالىپتاستىرۋ جونىندە كەلىسىم 23-24- قاڭتاردا استانا پروتسەسى بارىسىندا سيريا بويىنشا حالىقارالىق كەزدەسۋدە قول جەتكىزىلگەن بولاتىن.
