ديماش قۇدايبەرگەن بايقاۋدىڭ ءۇشىنشى كەزەڭىندە دە ۇزدىكتەر قاتارىندا
«ەفيردەن بۇرىن حابارلايمىز، تان جين «ىنتىزارلىق» ءانىن ءتۇپنۇسقادان دا مىقتى ورىنداپ، ءبىرىنشى ورىن الدى. ول وسىلايشا كوپشىلىكتىڭ قولداۋىنا يە بولىپ كەلە جاتقان ديماشتان دا باسىم ءتۇستى»، دەپ حابارلايدى پورتال.
ال چجاو لەي «چەندۋ» اتتى حالىق ءانىن ورىنداپ، ەكىنشى ورىنعا تابان تىرەدى. ال ديماش - ءۇشىنشى جانە چجان تسزە - ءتورتىنشى تۇر.
ديماش قۇدايبەرگەن Queen توبىنىڭ «Show must go on» ءانىن ورىندادى. باسقا دا بايقاۋ قاتىسۋشىلار سەكىلدى ديماش تا ساحناعا گيتاراشىلارمەن بىرگە شىقتى.
«I am a singer» بايقاۋىنىڭ ءۇشىنشى كەزەڭىنىڭ ءتۇسىرىلىمى 21 - قاڭتار كۇنى وتكەن. ءبىراق ول ەفيرگە 4 - اقپان كۇنى كەشكە شىعادى.
«Weibo» الەۋمەتتىك جەلىسىندەگى ديماشتىڭ جۇمىس توبىندا 3-كەزەڭنىڭ سۋرەتتەرى جاريالاندى. وندا جەرلەسىمىزدىڭ ءستيليستى BG Fashion، ۆيزاجيست ءارى شاشتارازى - DO Fashion، بەت- بەينەسىن جاساۋشى - LANVIN 16AW ەكەندىگى ايتىلعان.
اۆتور: ەربول جانات
